@angbalitangayonfb: AIRASIA PHILIPPINES, NAGSALITA NA SA VIRAL NA POST NG EMPLEYADO NA SI “JOLINA MAE” Naglabas na ng opisyal na pahayag ang AirAsia Philippines matapos kumalat online ang social media post ng isa sa kanilang mga empleyado na iniuugnay sa account na “Jolina Mae.” Sa naunang kumalat na screenshot, mababasa ang Threads post na: “wala bang maglalakas loob b*rilin bigla si robin padilla?” Ibinahagi ito ni Senador Robin Padilla sa kanyang Facebook page at mariing kinondena ang naturang pahayag. Ayon sa senador: “Allah hu akbar! Aooodhu billahi minashaytani rajeem! Kaya parang demonyo na ang mga kriminal sa pagpaslang ng tao dahil sa mga katulad nito na ipinangangakampanya ang pagp*tay ng kapwa tao.” Dagdag pa niya: “Iha ako na lang ang natitira ninyong alas na handang magpakulong sa ICC para ubusin ang mga kriminal. Wag mong naisin na maunahan ako dahil ang masagana at ang masaya kong pamilya ang handa ko ipagpalit para lamang maging matahimik at mapayapa ang kinabukasan ninyo.” Sa inilabas namang pahayag ng AirAsia Philippines, sinabi nitong hindi nito kinukunsinti ang anumang asal na nagsusulong ng karahasan, diskriminasyon, panliligalig, o malisyosong layunin. Ayon sa airline: “AirAsia Philippines does not tolerate any conduct that promotes violence, discrimination, harassment, or malicious intent.” Idinagdag pa ng kumpanya: “The views expressed in the post are solely those of the individual and do not reflect or represent the values, stance, or position of AirAsia.” Inihayag din ng AirAsia na nagsasagawa na ito ng masusing internal investigation at magpapataw ng naaangkop na disciplinary action kung mapatutunayang may paglabag, alinsunod sa internal procedures at due process. Hiniling din ng kumpanya na igalang ang privacy at kaligtasan ng lahat ng sangkot habang nagpapatuloy ang kanilang pagsusuri.

Ang Balita Ngayon

Open In TikTok:

Region: PH

Thursday 16 July 2026 14:19:13 GMT