@ahmed_samy.official: في حياة كل واحد مننا.. لحظة فاصلة. اللحظة اللي قبليها عتمة.. واللي بعديها كله نور. وجودك معايا كان اللحظة دي.. الصدفة اللي غيرتني من جوه، الصدفة اللي أحيت فيا روح كنت فاكر إنها انطفت." "أنا مش بس بحبك.. أنا كل يوم بيعدي عليا بلاقي نفسي بغرق فيكِ أكتر من اليوم اللي قبله. كأن قلبي مكنش يعرف يعني إيه نبض قبل ما يشوفك.. كأن عمري الحقيقي ابتدى معاكِ أنتِ وبس. لو خيروني بين العالم ده كله.. بين كل أمنية ممكن تخليني سعيد.. وبين ضحكة من عيونك؟.. هختار عيونك. ألف مرة، وفي كل مرة هبيع الدنيا واشتريكِ." "أنا بعشق تفاصيلك.. ملامحك وأنتِ بتضحكي، طريقتك في الكلام، حتى سكوتك. عيونك دي مش مجرد عيون.. عيونك دي هي وطني، الملجأ الوحيد اللي برمي فيه كل تعب الأيام وأطمن. كفاية عليا أشوفك بخير.. فرحتي بتبدأ من أول ملامحك ما تنور، ولما بتضحكي؟.. بحس إن الأيام بتصالحني، وإن الدنيا كلها بتبتسملي." "مش عايز من الدنيا دي كلها غير حاجة واحدة.. إيدك تفضل في إيدي.. تِشدّي عليا وأشِدّ عليكي، ونمشي الطريق ده لآخر العمر سوا. أنتِ مش مجرد شخص كملت بيه حياتي.. أنتِ الحياة اللي فضلت سنين أتمناها من ربنا." "أنتِ النبض اللي في قلبي.. وأجمل وأطهر قدر ربنا كتبهولي في عمري كله.. بحبك." #بحبك #الحب❤️ #الحب_لايفهم_الكلام #الحب_الحقيقي #بحبكم

Ahmed Samy

Open In TikTok:

Region: EG

Thursday 16 July 2026 15:17:51 GMT