@..hossam92: ابتدت نعيمة عاكف تحس بأعراض غريبة: وزنها بينزل، عندها غثيان على طول، ومش قادرة تحتفظ بأي أكل في معدتها وبعد شوية فحوصات، قال الدكاترة ده كيس دهني في المعدة ولازم يتشال". اتنقلت نعيمة على المستشفى، والدكاترة عملولها عملية علشان يشيلوا الكيس الدهني، لكن حصل نزيف جامد وهي على الترابيزة، واضطروا يفتحوا بطنها تاني علشان يربطوا الشريان اللي بينزف. الوقت ده كان بيمر على جوزها صلاح عبد العليم كأنه سنين، لحد ما خرج الأطباء وقالوا: "نعيمة وهي في العملية اتأرجحت بين الحياة والموت.. النبض وقف كذا مرة، لكن عناية ربنا رجّعته تاني"، ووصفوا اللي حصل إنه معجزة. في اليوم الرابع بعد العملية، خرج الدكتور مبسوط وقال: "نعيمة اتكلمت وطلبت تشوف ابنها محمد"، وأكدوا إن إيمانها وتمسكها بالحياة كان سبب كبير في نجاتها. بعد ما خرجت من المستشفى، قعدت ترتاح شوية وابتدت تقرا كذا سيناريو علشان ترجع للفن، لكن في يوم وقعت فجأة، وراحوا بيها المستشفى وهناك عرفت إنها اتصابِت بالداء الخبيث ورغم قوة شخصيتها، رفضت تستسلم، وقررت تواجه المرض مهما حصل. وكان المفروض تسافر يوم 11 أبريل للعلاج برة مصر، لكن يوم 6 أبريل هاجمها التعب بشدة ودخلت بسببه العناية المركزة، ورحلت يوم 8 أبريل 1966 وكان اسم ابنها محمد آخر كلمة نطقتها. بعد وفاتها بشهر، مجلة الموعد عملت تحقيق بعنوان: "فين راحت ثروة نعيمة عاكف؟"، وكشفت فيه أسرار كتير، خصوصًا عن علاقتها المتوترة بجوزها صلاح عبد العليم. المجلة قالت إن ناس كتير قريبين من الموضوع أكدوا إن نعيمة في أيامها الأخيرة ماكانتش مبسوطة مع جوزها، وكان بينهم مشاكل وخناقات كادت تنتهي بالطلاق، لكنها في الآخر كانت بترجع تبص لابنها، وتضغط على نفسها وتلغي فكرة الانفصال علشان تحافظ على البيت. وقالت المجلة كمان إن الخلافات دي أثرت على شغلها الفني، فبقت ماتحضرش بروفات، وانشغلت بالمشاكل العائلية. ووصل بيها الحال إنها فكرت أكتر من مرة تخلص حياتها. بنت أختها، الراقصة شوشو عاكف، قالت إن الجواز بينهم ماكانش متكافئ، وأغلب العيلة كانوا رافضينه، لكن في الآخر احترموا مشاعر نعيمة ووقفوا على الحياد. وأكدت إن صلاح ماكانش مرتاح معاهم، وكان بيحاول يبعدهم عن نعيمة، لدرجة إنه كان هو اللي بيرد على التليفون ويقفل الباب، ويقول للّي ييجي يزورها: "هي نايمة، والدكتور مانع إن حد يزعجها". شوشو كملت كلامها وقالت: "هو عمل ستار بيننا وبينها، كأنه خايف تحكيلنا عن مأساتها، أو مش عايزنا نعرف هي معاها إيه من فلوس ومصوغات. وفيه ناس قالت إنه قبل وفاتها قدر يسيطر على كل فلوسها وممتلكاتها، حتى الشقة اللي في إسكندرية" وفي الآخر المجلة سألت: "معقول فنانة كبيرة زي نعيمة تمثل 30 فيلم، وتمشي من الدنيا من غير ما تسيب ولا مليم؟ غير الشقة اللي اشترتها من زمان؟"

مرحبا بك فى عالم الظلام

Open In TikTok:

Region: KW

Thursday 16 July 2026 15:24:59 GMT