آج کے دور میں شاید سب سے زیادہ نظر انداز کی جانے والی عورت ایک شریف عورت ہے۔ وہ جو اپنی حدود جانتی ہے، اپنی عزت کی حفاظت کرتی ہے، ہر کسی سے بے تکلف نہیں ہوتی، اور ہر محفل کی زینت بننے کے بجائے اپنے گھر اور کردار کو ترجیح د یتی ہے کبھی کبھی المیہ یہ بھی ہوتا ہے کہ جس شوہر کے لیے وہ اپنی خواہشات قربان کرتی ہے، اسی کی طرف سے اسے بے رخی، بے قدری اور خاموشی کا صلہ ملتا ہے۔ اس کی وفا معمول بن جاتی ہے، اس کی قربانیاں نظر انداز ہو جاتی ہیں، اور شوہر کی جانب سے یہی سننے کو ملتا ہے کہ تم ایک بور عورت ہو۔ بہت سے لوگ باہر کی چمک دمک سے متاثر تو ہوجاتے ہیں، مگر اپنے گھر میں موجود اس عورت کی قدر نہیں کر پاتے جو بغیر کسی نمائش کے ہر روز محبت، وفاداری، عزت اور سکون بانٹ رہی ہوتی ہے۔ وقت بدل سکتا ہے، لوگوں کی سوچ بھی، مگر ایک باوقار عورت اپنی عزت، حیا اور اصولوں پر سمجھوتہ نہیں کرتی۔ کیونکہ اصل خوبصورتی چہرے میں نہیں،کردار میں ہوتی ہے۔ شرافت کمزوری نہیں، کردار کی طاقت ہوتی ہے اور ایک شریف عورت کبھی بور نہیں ہوتی... وہ صرف ان لوگوں کو سمجھ نہیں آتی، جو کردار سے زیادہ نمائش کو پسند کرتے ہیں۔ کردار کی قیمت وہی لوگ جانتے ہیں جن کے اپنے کردار کی بھی کوئی قیمت ہو۔ قدر ہمیشہ نایاب چیزوں کی ہوتی ہے، مگر افسوس، آج کے دور میں باکردار عورت کو عام سمجھ لیا گیا ہے۔ ایک باوفا عورت کی قدر وہی شخص کرتا ہے جووفا، اخلاص اور کردار کی قیمت جانتا ہو۔ اللہ ہر وفادار باحیا اور شریف عورت کو وہ عزت، محبت اور قدر عطا فرمائے جس کی وہ حقیقی معنوں میں مستحق ہے۔ الہی آمین۔ #HSbukharisadpoetry #viralmycontent #foryoupage #viralmyaccount #foryoupage - @hs_bukhari