اتقرب دنگ لمستواي وصارت عيونه بعيوني كال لاا تنرفزيني رفـل ؟ انتي ع ذمتي يعني بمسؤليتي وكلشي يخصج من واجبي لاا تصيرين طفله وتخلطين بين الزعل وبين واجبيي وهااا حتلوو زعلتي ووصلت للضاليـن هـم غصباا ماعليه اوفرلج كلشيي فهمتيي لوو اعيـد ؟ بلعت ريگي من كلامـه وعيونه الي اخترقتني باوعت للعلاكـه ورجعت باوعت بعيونـه كتله بعد احسـن لان صراحه اقاوم كلشي الا الحلويات ونفسيتي صفر واجن بوقتهـن ميل راسه يباوعلي بأستغراب فتحت النستله وكتله لتباوع ! ابتسم وهدئت ملامح وجهه راساا فتحت المسلسل وكمت اكل واشوف ع الاقل اطلع من قوقعتي لان راح اطك وهو اخذ ملابس وراح يسبح بقيت ع المسلسل رگبتي كامت توجعني عاد عدلت كعدتي وخليت مخاد كدامي وثبتت الجهااز وكمت اكل واشوف شويه وطلع من الحمام باوعتله بعفويه ورجعت بسرعه اباوع للمسلسل وهـو صافن عليه كال شسم مسلسلج ؟ رفعت راسي وكتله ليشش؟ كال شسمه بابـه ؟ كتله" لا احـد يعلـم " هز راسـه وفتح البلازماا عفته والتهيت بمسلسلي وفزيت من صفنتي ع المسلسل من شمر الريمون وكال رگبتج راحت وانتي مدنگه طلعته الج بالبلازمـاا رفعت راسي وانصدم من اشوف مطلعه والحلقات مسطره التفتت لتاج كال بعفويه وهوو ينشف بشعره اختاري يا حلقه كتله والميريددد ؟ كال لاااا حوول الله كتله جذذب جذذب اريد ع الاقل اخلص منك كال عفوااا ؟ كتله هااا كال شكلتي عيديي ؟ كتلك اريدد كال الوراهاا الوراهااا ؟ كتله هااا ماكلت شيي وعوفنيي خزرني ووگـال لسانجج ؟ بلعت ريگي وسكتت فـ اختاريت الحلقه وكعدت اشوف المسلسل من الجربايه واني مرتاحه ضليت اتابع حلقه ورا حلقه ومادريت بروحي بعددد ..... كعدت بنعـاس وشفت جهازي ساعه 6الفجـر بعـد وقـت واجتني لحضه ادراك ع لبارحه اباوع الحلويات ع جهه وجهازي همات والبلازما مسدوده ؟ ماكو غيره التفتت واشوفه نايم ع التخـم وشعره متخربط ع وجهه مادري بس عيوني ضلت تباوعلـه وشي بداخلي يرفلـه بسس تصرفه بعدني الف خطـوه فـ رجعت نمت وحسيت ع شي وكع فزيت بنعـااس واشوفلك تـاج كال اسـم الله بابـه جهازي هذا وكع ميلت راسي بنعاس ع المخده وشفته كاشخ ولازم جهازه والسويج كتله بنعاس واستغراب ويـن حتروح اتقـرب ودنگ لمستواي يعدل بمخدتي ووخر شعري الي ع وجهي وخلاا ع جهه وغطاني وكال للدوام بويـه ارجعي نامي انتي ! هزيت راسي بنعاس ومادري حلـمانه لوو كاعده وماحسيت بشي بعـد ....لبنى : جنت بالدوام ورجعت وصلت للبيت ذبيت الكعب من الباب كد ما تعبني وكتلها مامااا شطابخه ميته جووووع وفزيت من التفتت بعفويه واشوف علي يغسل بوجهه ع المغسلـه ميل راسـه يباوعلي وگال لو ما زحمه وعيب انه اطب هسه واطبخلج افاااا اخليج جوعانه ؟ كتله بتوترر وارتبااك انـ...انــت شجابك يمنه مسح وجهه من المي وگال لو مازحمه ابات يمكم بس مابيدي كتله شبي لسانك اليووم مديكعد راحه ما احس الا ثنه رجلـه وكال ماتحمل كلمه مديكعد يالضيم اخررب اخرب ع المديكعددد كتله يااا انت صدك بعدني ممكمله كال ماستحي مووو ؟ كتله بعصبيه يييي گال تدرين بنفسج جنـج القاسم لـو لاااا كتله ماكو فائده اروح احسلي خليت وطبيت فـ ورا يوميـن استغربت من سجـاد صاحني وماما وبابا وحـر كاعدين كتله هاا گال تعالي فـ كعدت وبنفس الوقت خفـت وكلهم ساكتين كتلهم شكو والنبي خفتت ؟ ابتسم حرر وكال اضن كبرتي يبـوي وكاموو يخطبونج مني ! فتحت عيوني بصدمه ابتسم بابا وكال بويـه علي اخـو تاج يريدج ع سنه الله ورسولـه ؟ جمدت بمكاني عيوني اتسعت وممستوعبة ولا كلمة هو صدك ؟ يعني هذا الحجي اللي جان يتردد وتلميحاته صارت حقيقة ؟ ...يتبع - @za33g