@s__ms8: **يمّه... من نزلتِ للشط، ما چان الماي أعمق من وجعچ، ولا التيار أقوى من عشقچ للحسين؛ كل خطوة خطيتيها چانت كأنها دمعة تمشي على وجه الفرات. تحملين الزاير بيد، وباليد الثانية تحملين قلبچ، وخايفة مو من الغرك... خايفة يتأخر واحد عن زيارة أبو عبد الله. نسيتي برد الماي، ونسيتي ثگل العمر، لأن اللي يعشق الحسين يصير التعب عنده عبادة، والوجع يصير وسام على صدره. يمكن الناس گالت: هاي عجوز تعبر الشط... بس أهل السما گالوا: هاي امرأة باعت عمرها كله حتى يبقى درب الحسين مليان بخدمة زوّاره. يا يمّه... إذا يوم القيامة سألوا الفرات: من أعظم من مرّ عليك؟ يمكن يگول: مو نبي عبرني... لكن عبرتني امرأة، ما تريد من الدنيا كلها غير دعوة من زائر: الله يتقبل خدمتچ للحسين.#foryoupage #fyp #foryou #greenscreen #اللهم عجل لوليك الفرج

عَـهد الوفاء

Open In TikTok:

Region: IQ

Thursday 16 July 2026 20:03:56 GMT