@fadwayousif1: ياخي "العين المليانة" دي نعمة من الله ••❤🌏 بيقولوا ليك: "المقتنع بيك، فايت البيحبك بي خطوات."، والكلمة دي حقيقية شديد ومحتاجة وقفة. ✋ لما تجي تختار الزول الحتكمل معاهو مشوار حياتك، ما تختار بس عشان "اللحظة" أو "الظروف". أهم حاجة تتأكد منها إنك مقتنع بيهو تماماً، زول مالي عينك ومالي قلبك. =ليه؟ لأنو الحياة دي مدرسة، وبكرة وبعدو حتقابل السمح، والأسمح، والأغنى، والأذكى.. لو إنت أصلاً عينك "فارغة" وقلبك ما مقتنع بالمعاك، حتتعب وتتعّب معاك خلق الله. حتبدأ تقارن، وتتندم، وممكن تظلم إنسان كل ذنبو إنو حبّاك ووثق فيك. القناعة هنا ما معناها إنك لقيت "الملاك" الكامل! الكمال ده لله وحده لكن القناعة إنك تلاقي الزول: - البيشبهك في تفاصيلك.. 🧩 - الفاهمك من غير كلام.. 🗣️المطمن معاهو وإنك "إنت" بدون تصنّع.. 🌿 الزول الـ لو الدنيا كلها اتلمت قدامك بفرصها ومغرياتها، قلبك بيقول ليك: "أنا في أمان هنا.. وما داير غيرو." ده هو السند الحقيقي، وده هو الوفاء البيمد في عمر العلاقات. عشان كدة، لو لسه ما خطيت الخطوة دي، اتأكد إنك "مقتنع". #على_درب_الريـدة_نكـتُب ما تظلم نفسك ولا تظلم غيرك، اختار الزول الـ لو غاب عن عينك، بكون حاضر في قلبك ومحفوظ في غيابو قبل حضورُو. ربنا يرزقنا ويرزقكم القناعة، والعين المليانة، والقلوب الصادقة الـ ما بتعرف تبدل ولا تخون. ❤✨ 🌺
