: راح اگلهم هَيــثم خلاني اشرد سكت لحظات و گـال هَيــثم : انتِ شنـي حَــمامه! : شنـي! ابن ادم حالي حالك هَيــثم : ولچ ياااا حماااره، طلعتچ وراااها الف سالفة و سالفة يجوز حتى تنكتلين، انتِ ما تفكرين لو راسچ حاطته بس شكل! تحسرت، احس گلبــي يعت بيـه للبسـتان گعـدة البيت راح تسودني و زدت من ضگت حلاوة الطلـعه هَيــثم : غلطت انا من گتلـچ طلعي للبستان لچـن موش معناها اراضلچ الموش زينه : اريـد اروحً هَيــثم، بس هالمره والله. هَيــثم : و ليش؟ خو انتِ اكيد ما حبيتي بنات عمچ ولا هن البالعاتچ : صحيح، لچـن اريد اروح هَيــثم : المـن؟ بلعت ريگي، اگلـه؟ اخافن تطلع الحچـايه منـه اسكـت؟ انا ما متعوده اضمن شي عنـه هَيــثم : شمـالچ سكتـي؟ : وعـد اگللك بس اگـدر، لچـن هسه ما اگـدر ضحك هَيــثم : شنـي تضمين علَيّ نوب! : ما اضمن عليك، اذا گدرت اگللك والله و هم ما اظن السالفه تطول هَيــثم : خوش، نشوف : اذا رحت باب البستان يظل مفتوح؟ هَيــثم : اي ما نسده : خوش سديت الاتصال منه گعدت على حافة الدوشك افكـر…شلون لو صدك انكضيت و كتلوني لو سووا بيه شي هاشم بشني راح يفيدني!؟ لچـن كل ما اتذكر ايده ينمرد گلبــي عمـي ناهــي شكله طيب، صدك انا ما ابلعنه لچـن هو زين مبين شنـي مسوي هاشم حتى يحرك ايده! گمـت على حيلـي، فتحت الشباك صافنـه ليش يكـرهنا! شنـي مسويلـه هلـي!؟ تحسـرت، اعايـن ع النخل يتلاطم من الهوى من البرد جسمـي يتراعش سديتـه، مشيت للميز لبسـت البرگـع و العباية خذيت الدوه بعلاگـه، درت وجهـي طبگـت بطانيتي مثل الجگـاره شديتها بحجابي شلـتها و طلعت على كيـفي…أمشي بدربي للبستان و گلبــي يتراجف : يا ابو الحسـن يا علـي، تستر علَيّ لحد ما اوصل حضنت البطانيـه من البرد احس متوني تتگصص وصلت لمچـان البنات ما مش احد منهن الدنيا ظلمـه، البستان محد بي مشيت ويه مجرى النهـر و عيني تدور هلبـت اشوف الحجره عايـنت عليـه، شاعل نار و گاعد بالباب مالت الحجره مدري شني بيده يحوس ضحكت و صعدت ع الچريان اركض لگيـته…الحمد لله عدالي راح اضيـعً مدنك ما منتبـهلي حد ما صرت گـريب منه : هاشــم شال راسه فاتح عيونـه ع حدهن اعايـن عليـه حتى نفَسي يرجف من البرد دنگت راسـي گوه اتنفس : عدالي ضعت شلـت عيوني، بعده صافن عاگـد حواجبـه : شمالك! دنك راسه وحچـه بهمس هاشــم : استغفر الله العلي العظيم : شنـي! كل ما تشوفني تتعوذ!! شهگت من جرني من زيجـي لصوبـه هاشــم : ياااااهي انتِ! صفـنت عليـه، احس گلبــي انشلع من مچـانه من الخرعه طاحت البطانـيه من ايدي دفعتـه : بطاااااانيتيييي شلتها انكت بيها من الطين التفـتتـله : شمااالك انتَ! ليش تكرررهني كض راسه بين ايديه هاشــم : استغفر الله، شنـي تسودنت انا! لو يتراوالي! التفتـلي هاشــم : عليـچ العباس ابو فاضل ياهي انتِ تعبتيني و علـي مديت ايدي اله : هايه علاگـة دوه عالج ايدك طك العلاگـه من ايدي شمرها هاشــم : ياااااهي انتِ؟! شلون طالعه بهالوكت! امچ ابوچ وين! عايـنت على الدوه فوك ما جبـتله؟! ليش هَيــچ يسوي وهو ما يدري ياهي انا حتى!؟ رفعت عيني بعينه انا صدك مكروهه مثل ما گال مرتضى؟ دمـعت عيوني درت وجهـي و مشيـت، استاهل انا شجابني لهنا؟ كضنـي من ايدي نترتها منه : ووووخررررر، لااااا تكضنيييي رفع ايده و تبعد شويه هاشــم : ياهـي انتِ؟ : انا الحمـاره، ارتاحيت؟ هز راسه هاشــم : هذا الصدگي، ظل اسمچ الثاني؟ بلعـت ريگي، دموعـي من كيفها ظلت تطيح احس بروحي تورطت هاشــم : بس گليلي ياهـي انتِ، خلي گلبــي يرتاح : بت عمك انا هاشــم : يا عم؟ رفعت ايدي امسح دموعي : شعليك! تريد اگللك حتى تفتن علَيّ؟! هز راسه هاشــم : هاااا، يعني حضرتچ شارده ضحكت استهزء بي : چـا شنـي، ياهي تطلع بنص الليل و تجيلك؟ هاشــم : توكلي، ولا تبليني بيچ عافنـي و مشى صوب الحجره حسيت نار شبت بگلـبي انا حَــمامه،هذا ياهـو و اخلي يحاچيني هَيــچ! درت وجهـي و مشيـت لو لگـوه؟ يووو، انا شلي غرض طبه طوب وگفـت خطواتي…گلبــي ما ينطيني كل ما اتذكر ايده شصاير بيها رديت امشـي صوبه گاعد بنفس مچـانه يدخن و يعاين علَيّ ضحك اول ما صرت يَمه هاشــم : ها، تردين اوصلچ؟ : تخسى ارتخت ملامحـه، شمرت البطانيه بوجهـه : هاي بطانيتي، تردها الي و الدوه مثل ما شمرته تاخذه و تداوي روحك درت وجهـي گبـل لا يحچـي التفتتله : و ها، ترى بيت محســن دروا بيك شالح و احتمال يدورون عليك هنانه وگف على حيله هاشــم : شنيييي!! مشى صوبـي، رديت لوره عاگـده حواجبـي هاشــم : گتلللللچ لااااااا تحچييييينن شلوووون ترحييييينن تفضحيييني : موش ا… بعدني ما كملت، جرني من زيجـي ظليت صافنـه هاشــم : موش خايـفه على روحچ انتِ؟ جايتني تگليلي دروا! بلعـت ريگي گلبــي احسنه يدك براسي صار : هدنـي دفعـني عنه و دار وجهـه هاشــم : شجاااابچ علَيّ! حظي المصخممممم؟! #في_ذمة_الدم #قصص_واقعية - @io_11a.o3