@.88.58: WEXEY TIDHI!!………………………….! Hadduu nugul haraad qabo Kasha kama nagaadoo, Ilmihiisa nuugiyo Ma xasuusto neefkee. Anna nudubka beerkiyo, Intuu nabarku igu yaal, Ee nacabka caashaqu, Nafta igula laba yahay, Miyaan nuuxsan karayaa? Allahayow nasiibkayga, Nimco lagu hungoobiyo Haka dhigin naq baaqsaday. Niyaddaydu Kii ay U niyaayiraysiyo, Allahayow naruuriyo, Indhahayga nuurkood. Haddaan maalin walba sugay, Naxdin iyo xusuus baan la noolahay. Noloshuna waxay ii noqotay Nabad aanan gaadhi karin, Habeennaduna waxay noqdeen Nabarro dib u soo toosa. Qalbigaygu ma diidin jacaylka, Laakiin wuxuu ka daalay jabkii. Waxaan bartay in ilmadu Aanay had iyo jeer dhaawaca bogsiin, Balse ay mararka qaar Caddeyso inta uu xanuunku qoto dheer yahay. Haddii nasiibku ii qoro kulankiisii, Waxaan ugu mahadcelin doonaa Rabbigay. Haddii se uu iga qoro kala-tag, Samir baan huwan doonaa, Waayo waxaan ogahay In waxa Ilaahay kaa reebay Uu kuu kaydiyay wax ka kheyr badan. Allahayow, qalbi deggan i sii, Naxariistaadana ha iga fogeyn. Kan aan u hiloobayna, Haddii uu kheyr ii yahay ii dhowee, Haddii uusan ii kheyr ahayna, Qalbigayga ka saar xusuustiisa, Adigoo ku beddelaya farxad aan dhammaan iyo nolol ay indhahaygu mar kale iftiin ku arkaan.!!

SuHurr🤎

Open In TikTok:

Region: SO

Thursday 16 July 2026 22:17:06 GMT