@ibrahim.sulaimaaan: ئەگەرێ قەدەغەکرنا هنگڤینی ژ لایێ پێغەمبەری ڤە (ﷺ) ل سەر خوە: پێغەمبەرێ مە، سلاڤ لێ بن، هنگڤین ل سەر خوە حەرام نەکربوو چونکی هنگڤین تشتەکێ خرابە یان دینێ ئیسلامێ ئەو نەهێلایە، قەت وەسا نینە. بەلکی ئەگەرەکێ جڤاکی و خێزانی هەبوو، و پشتی وێ رویدانێ خودایێ مەزن ئایەتەك ژ قورئانا پیرۆز ئینا خوارێ دا کو بابەتێ ڕوون بکەت. سەرهاتیا رویدانێ: پێغەمبەر ﷺ گەلەك حەز ژ هنگڤینی دکر. ل دەف ئێک ژ هەڤژینێن وی یا ب ناڤێ زەینەب کچا جەحش (خودێ ژێ رازی بیت)، کوپەکێ هنگڤینی هەبوو. هەر دەمێ پێغەمبەر ﷺ سەرەدانا وێ دکر، وێ هنگڤین پێشکێشی وی دکر و ئەو ژی بۆ دەمەکی ل دەف وێ دما و ئەو هنگڤین دخوار. ڤێ چەندێ هندەك غیرەتی ل دەف هەڤژینێن دی یێن پێغەمبەری ﷺ، ب تایبەت عائیشە و حەفصە (خودێ ژ وان رازی بیت) چێکر. لەوا وان هەردووکان ل گەل ئێکدوو ڕینشتن و پلانەك دانا و گۆتە ئێکدوو: "هەر کا کیژك ژ مە پێغەمبەر ﷺ دیت، بلا بێژیتێ کو بێهنەکا نەخۆش ژ دەڤێ تە دهێت! بلا بێژینێ ما تە مەغافیر خوارینە؟" (مەغافیر جورەکێ بنشتێ داران بوو کو بێهنەکا گەلەک کرێت هەبوو). فێجا دەمێ پێغەمبەر ﷺ سەرەدانا وان کر، وان ئەو ئاخفتنا ئامادەکری گۆتێ. پێغەمبەری ﷺ، کو گەلەك گرنگی ب پاقژی و بێهنا خۆش ددا، گۆت: "نەخێر، من بتنێ هنگڤین ل مالا زەینەبێ خوار، و ئەز سوند دخۆم کو جارەکا دی هنگڤینی ناخۆم." وی ئەڤ سویندە خوار دا کو خاترا هەڤژینێن خوە بگریت و دلێ وان خۆش بکەت و نەهێلیت ئەڤ بابەتە ببیتە ئەگەرێ نەخۆشیێ دناڤبەرا وان دا. هاتنا ئایەتا قورئانێ: پشتی ڤێ رویدانێ، خودایێ مەزن و دلۆڤان کو حەز نەدکر پێغەمبەرێ وی تشتەکێ حەلال ل سەر خوە حەرام بکەت ژبەر خاترا کەسێ، ئایەتا ئێکێ ژ سورەتا "التحريم" ئینا خوار: "يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاتَ أَزْوَاجِكَ ۚ وَاللَّهُ غَفُورٌ رَّحِيمٌ" ڕامانا وێ: "ئەی پێغەمبەر، بۆچی تو وی تشتێ خودێ بۆ تە حەلال کری، ل سەر خوە حەرام دکەی، دا کو دلێ هەڤژینێن خوە ڕازی بکەی؟ و خودێ گونەهـ غەفور و دلۆڤانە." ئەڤ ئایەتە وەك سەرەنج ڕاکێشانەکا ب ڕێز بوو بۆ پێغەمبەری ﷺ کو تشتێ خودێ حەلال کری، ژبەر خاترا چ کەسەکێ ل سەر خوە حەرام نەکەت. ب کورت و کرمانج: ئەگەرێ سەرەکی یێ ڤێ چەندێ، بتنێ دلخۆشکرن و ڕازی کرنا دلێ هەڤژینێن وی بوو، نە ژبەر وێ چەندێ بوو کو هنگڤین بخوە تشتەکێ خرابە یان حەرامە. بەلکو هنگڤین د قورئانێ و سوونەتێ دا شیفا و خوارنەکا پیرۆزە. ... (ئەگەر ژهەژی فولوکرنێ بم فولوبکە بەردەوام بابەتێن هوسا بەلاڤ دکم) #عسل #honey #quran #رسول_الله #الصلاة

Abraham/ئەبراهام

Open In TikTok:

Region: IQ

Friday 17 July 2026 16:14:17 GMT