🤝 МУСУЛМАНГА ЖАРДАМ БЕРҮҮ – АЛЛАХТЫН СҮЙҮКТҮҮ АМАЛДАРЫНЫН БИРИ Бул дүйнөдө адамдын артында кала турган эң сонун из – адамдарга кылган жакшылыгы. Байлык да, даража да түбөлүк эмес, бирок Аллах үчүн берилген жардамдын сообу түбөлүккө сакталат. Ошондуктан Ислам дини мусулмандарды бири-бирине кайрымдуу, боорукер жана жардамчы болууга чакырат. Аллах Таала мындай деп буюрат: ﴿وَتَعَاوَنُوا عَلَى الْبِرِّ وَالتَّقْوَى﴾ «Жакшылыкта жана такыбалыкта бири-бириңерге жардам бергиле.» (Маида сүрөсү, 2-аят) Пайгамбарыбыз ﷺ мындай деген: «Ким бир мусулмандын дүйнөдөгү кайгысын жеңилдетсе, Аллах анын Кыямат күнүндөгү кайгысын жеңилдетет. Пенде бир тууганына жардам берип турганда, Аллах да ага жардам берип турат.» (Сахих Муслим) Жардам берүү сөзсүз түрдө акча менен гана болбойт. Жылуу сөз айтып көңүл көтөрүү, ачка адамды тойгузуу, оорулууну зыярат кылуу, карыяга кол сунуу, адашканга туура жол көрсөтүү, илим үйрөтүү, дуба кылуу – мунун баары Аллахтын алдында чоң сооптуу амалдар. Эч качан «менин жардамым аз» деп ойлобоңуз. Балким, сиз үчүн кичинекей көрүнгөн жакшылык бир мусулмандын жашоосуна чоң жеңилдик алып келет. Аллах үчүн жасалган ар бир жакшылык текке кетпейт. Келгиле, мусулмандардын кубанычына себепчи болуп, кайгысын жеңилдеткен пенделерден бололу. Анткени адамдарга эң пайдалуу болгон адам – эң жакшы адам. Аллах Таала бизди боорукер, берешен, жардамчы жана Өзүнүн ыраазычылыгына жеткен пенделеринен кылсын. Оомийин. - @ismail_media_official