@3in1liy: ከትንሽ ደቂቃ በፊት በስልኬ ላይ አንድ ልቤን የነካ አጭር ሐረግ አነበብኩ፦. "እንደሚሞት ሰው እንኑር።" የሚል😔 አነበብኩት... ከዚያም ዝም አልኩ። ምክንያቱም ያ አጭር ሐረግ ዓይኖቼን ሳይሆን ነፍሴን ነካ። ስንቶቻችን ነን ሞትን እንደ ሌላ ሰው ታሪክ የምናየው? በድንገት የምንወደውን ሰው ማጣት ምን ያህል እንደሚያም እያየን፣ አንድ ቀን እኛም እንዲሁ ሊንሞት እንደምንችል፣ ወይም እኛም ለምንወዳቸው ሰዎች ትዝታ ብቻ ልንሆን እንደምንችል... ለምን አናስብም? ዛሬ አብረን የምንስቅበት ሰው፣ ነገ በፎቶው ላይ ብቻ ልንፈልገው እንችላለን። ዛሬ "በኋላ እደውልልሃለሁ" ያልነው ሰው፣ ነገ "በሰላም እረፍ" ብለን የምንሸኘው ሊሆን ይችላል... እኛ ግን እንደማንሞት ሰዎች እንኖራለን! ቂምን እንሸከማለን፤ ይቅርታን እናዘገያለን፤ፍቅርን "በኋላ" እንላለን፤ ንስሐን "ገና ጊዜ አለ" ብለን እናራዝማለን!! ግን... ማን ነገን ቃል ገብቶልናል? መጽሐፍ ቅዱስ ሕይወታችንን "ለጥቂት ጊዜ ታይቶ የሚጠፋ ጭጋግ" ይለዋል። እኛ ግን ጭጋጉን እንደ ተራራ እንቆጥረዋለን፤ ለዘላለም የምንቆይ ይመስለናል። አንድ ቀን የልባችን የመጨረሻ ምት ይመታል...የመጨረሻ ትንፋሻችን ይወጣል። በዚያ ቀን የሰበሰብነው ሀብት፣ የጠበቅነው ዝና፣ የተከራከርንበት ቂም፣ ያልተናገርነው ፍቅር... ሁሉም ከኋላችን ይቀራሉ!!😑 ከእኛ ጋር የሚቆመው ግን አንድ ነገር ብቻ ነው... ከክርስቶስ ጋር የነበረን ግንኙነት። ስለዚህ... ዛሬ ከምትወደው ሰው ጋር ጊዜ አሳልፍ። ዛሬ ይቅር በል፤ዛሬ ይቅርታ ጠይቅ፤ዛሬ ጉልበትህን አጥፈህ ወደ ጌታ ቅረብ! ምክንያቱም ዛሬ የምትተነፍሰው ትንፋሽ የአንተ መብት ሳይሆን የእግዚአብሔር ምሕረት ነው። ሞትን ማሰብ ሕይወትን መጥላት አይደለም፤ ሕይወትን በጥበብ መኖር ነው። ዛሬን እንደ መጨረሻህ ቀን ኑር፤ ነፍስህን ግን ዛሬ ከጌታ ጋር አስታርቅ። ምክንያቱም ሞት ቀጠሮ አለው... ግን ለእኛ አያሳውቀውም😔 እወዳችኋለሁ!❤ . . . . . . . . . . . #ethiotiktok #fypシ #life #chirstiantiktok

liy🪺

Open In TikTok:

Region: ET

Friday 17 July 2026 18:22:46 GMT