@user979243008517: الأرملة مش دايمًا اللي جوزها ميت. فيه ستات كتير جوزها عايش بس هي… أرملة. أرملة إحساس. أرملة أمان. أرملة حضن. جوزها موجود بس مش حاضر. قاعد جنبها بس مش معاها. بتتكلم؟ بس مفيش ودان تسمع. بتعيّط؟ بس مفيش ايد تطبطب. بتضعف؟ ومفيش ضهر تستند عليه. هي مش ناقصها فلوس ولا خروجات ولا صور حلوة على فيسبوك. ناقصها راجل. مش ذكر. راجل يحس. يسأل. يخاف عليها. يحضنها قبل ما تطلب. أصعب حاجة إنك تبقى متجوزة وتحسي انك لوحدِك. تشوفيه وما يحسّكيش. تكلميه وكأنك بتكلمي حيطة. خد بالك… الست لما تموت من جواها بتكمّل بس ما بترجعش. ولا بتحب زي الأول ولا بتستنى ولا بتطلب. وساعتها إبقى لوم نفسك مش تلومها هي. لأن الوجع الحقيقي مش إن الراجل يموت… الوجع إن الرجولة تموت وهو لسه عايش بيتنفس. واللي متضايق من كلامي يبقى أكيد حس إنه مقصود. — ✍️

صاحب السعادة (محمد الشيمي)

Open In TikTok:

Region: EG

Saturday 18 July 2026 03:40:21 GMT