LGU TALACOGON, NAGHANDA PARA SA IKA-40 ARAW NG PAGGUNITA KAY BOBET BATERBONIA Naghanda na ang Lokal na Pamahalaan ng Talacogon, Agusan del Sur, sa pangunguna ni Mayor Pauline Marie R. Masendo, katuwang ang pamilya Baterbonia, para sa ika-40 araw ng paggunita kay Rene Clert “Bobet” N. Baterbonia na gaganapin ngayong Hulyo 18. Ayon sa LGU, kanilang titiyakin na magiging maayos, mapayapa, at ligtas ang buong aktibidad. Kabilang sa kanilang paghahanda ang programa, seguridad, at pakikipag-ugnayan sa iba’t ibang ahensiyang tutulong sa naturang pagtitipon. Inaasahan din ang pagdalo ng mga kamag-anak, kaibigan, residente, at mga tagahanga na nais makiisa sa pananalangin at pagbibigay-pugay kay Bobet. Nakaayos na rin sa tabi ng puntod ni Rene ang iba’t ibang bulak na ipinadala ng kanyang mga tagasuporta mula sa lokal, pambansa, at pandaigdigang komunidad. Mula pa noong Hulyo 16, nagsimula na rin ang LGU ng live streaming mula sa Municipal Memorial Cemetery upang makasubay ang publiko sa mga aktibidad, kahit hindi sila personal na makadalo. Ang ika-40 araw ng paggunita ay nagsisilbing pagkakataon upang ipagdasal si Bobet, alalahanin ang kanyang buhay, at patuloy na ipakita ang suporta sa kanyang pamilya. Source: DXDC News / RadyoMaN Kareen Beltran Photos: Municipal Information Office, LGU Talacogon / Mika Flowershop Disclaimer: Ang post na ito ay salin sa Tagalog at muling pagbabahagi ng impormasyong inilathala ng DXDC News para sa layunin ng pagbabalita at pagbibigay-impormasyon sa publiko. Ang mga detalye at larawan ay pagmamay-ari at kredito sa kani-kanilang orihinal na pinagmulan. #TatakRMN #BobetBaterbonia #40thMemorialDay #Talacogon #agusandelsur - @laley702