@queen39449: هادي وصفة القشطوطة / تريليتشي لي في الفيديو، كتبتهالك بالتفصيل كما قالها مع سر البيسكوي الخفيف: 1- البيسكوي (السر تاعو) • 5 حبات بيض • نص كاس سكر (حوالي 100غ) • قرصة ملح تطلعهم بالباتور مليح حتى يبياض الخليط ويتضاعف حجمه 3 مرات. من بعد زيد: • كاس فارينة (دقيق ابيض) مغربل • 1 صاشي خميرة الحلويات 10غ اخلط بالراحة باش ما يهبطش. السر لي قال عليه باش يجي خفيف بزاف: • ربع كاس ماء دافئ زيدو في الاخير وخلط خفيف. افرش سنيوة بورق الطهي King لي يتنحى بالساهل، وصب الخليط، دخلو لفرن مسخن من قبل 180 درجة حوالي 15-18 دقيقة حتى يحمار شوية من فوق. كي يبرد نحي الورق بسهولة. 2- التشريب شرب البيسكوي بـ: • حوالي نص كاس حليب بارد 3- كريمة الشانتيي • كاس بودرة الشانتيي • كاس حليب بارد بزاف طلعهم مليح حتى تولي كريمة متماسكة. فرشها فوق البيسكوي، سويها، ودير خطوط بالفرشيطة باش تجي كيما تاع المحلات. دخلها للثلاجة ترتاح ساعة. 4- صوص الحليب (الطبقة الصفراء لي تحت) • نص لتر حليب (500 مل / 2 كيسان ونص) • صاشي فلان بذوق الفانيليا او كراميل (هو لي يمد اللون الاصفر) - تقدر تدير كريم باتيسيار ثاني حطهم على النار مع التحريك حتى يعقاد شوية كيما الكريمة، خليه يبرد شوية. 5- التركيب النهائي جيب لي باركات الصغار تاع الألمنيوم كيما في الفيديو، صب فيهم الصوص الاصفر، ومن بعد قطع البيسكوي بالكريمة مربعات وحط كل مربع فوق الصوص. التزيين يبقى اختياري: • خطوط بصلصة البيسطاش + بيسطاش مجروش • كونفيتير المشمش • حبات كرز خليهم يبردو مليح ساعتين على الاقل قبل ما تاكلهم. تجي خفيفة، تشهي، وتخرجلك حوالي 6-8 علب، خير من تاع 600 دج للحبة برا.
