کبھی تنہائی کے کسی گہرے لمحے میں بیٹھ کر سوچا ہے کہ جب ہمارا وجود اس مٹی میں مل جائے گا، تو ہمارے ہونے کی گواہی کون دے گا؟ یہ دنیا اس کی اندھی دوڑ یہ بلند و بالا عمارتیں اور بینکوں کے کھاتے، سب یہیں دھرے کے دھرے رہ جائیں گے۔ مٹی سے بنے انسان نے تو ایک دن خاک کا ہی رزق ہونا ہے، لیکن جو شے فنا کے اس قانون سے آزاد ہے، وہ انسان کے سینے میں دھڑکنے والی محبت ہے۔ ہم اکثر اپنا نام اپنا رتبہ اور اپنی پہچان چھوڑ جانے کی فکر میں اتنے الجھ جاتے ہیں کہ دلوں کی ویران زمینوں پر محبت کا بیج بونا ہی بھول جاتے ہیں۔ اصل میراث کوئی مادی جائیداد نہیں ہوتی بلکہ وہ احساس ہوتا ہے جو ہم کسی کے دل میں چھوڑ کر جاتے ہیں۔ وہ مسکراہٹ جو کسی اداس چہرے پر ہماری وجہ سے آئی ہو، وہ درد جو ہم نے خاموشی سے کسی کا بانٹ لیا ہو اور وہ آسرا جو ہم نے کسی کرتے ہوئے کو دیا ہو۔ جب ہم نہیں ہوں گے، جب ہماری آوازیں ان فضاؤں سے مٹ جائیں گی تو یہی محبتیں ہماری نشانی بن کر زندہ رہیں گی۔ موت صرف جسموں کو آتی ہے، رویوں اور احساسات کو نہیں۔ ایک خاموش سی کہانی جسے کوئی تنہائی میں یاد کر کے مسکرا دے یا جس کے ذکر پر کسی کی آنکھ نم ہو جائے... بس یہی ہماری کل کائنات ہے۔ دلوں کو آباد کریں کیونکہ یہی وہ واحد گھر ہیں جو قبر کی مٹی کے بعد بھی سلامت رہتے ہیں۔ Dm for custom work and orders. . . . #painting #fy #arabiccalligraphy #explorepage #art - @anamchoudharyart5