@zainabalqaysii: مو كل الي نشوفه بالسوشل ميديا يعكس الواقع، و مو كل طفل لازم ياكل نفس الكمية. 🤍 لا تقارنين أكل طفلج بأكل أي طفل ثاني، لأن كل طفل عنده شهيته، واحتياجاته، وطبيعته الخاصة. وإحنا أصلاً ما نعرف شكد هذا الطفل أكل طول اليوم، ولا شلون كانت شهيته قبل أو بعد التصوير. معدة الطفل صغيرة، وممكن كم ملعقة تكون وجبة كافية إله. الأهم مو الكمية، الأهم إن أكله يكون متوازن، نظيف، ومفيد. وحتى الطفل المعروف عنه ياكل زين، يمر بفترات تقل شهيته، خصوصًا وقت التسنين أو إذا كان تعبان. أني مريت بهالشي بنفسي، ورجعت شهيته طبيعية بعد فترة. الأمومة مو سباق، ومو هدفنا منو الطفل الي ياكل أكثر أو يتطور أسرع. هدفنا طفل بصحة زينة، ينمو بطريقته، وأم مرتاحة ما تعيش تحت ضغط المقارنات🤍 #تغذية_الأطفال #الأمومة #فطام_الرضيع #بيبي_ليد_وينينغ #نصائح_للأمهات

zainabalqaysii

Open In TikTok:

Region: AE

Saturday 18 July 2026 14:52:16 GMT