@sahabi_j_online: SANARWA Game da takardar kotu da ta karade kafafen sada zumunta kwanaki biyu da suka gabata, wadda ta nuna kamar Ordinary President ne ya shigar da kara a kan wata budurwa da ta taba yi masa rashin mutunci, Brekete Family ta fitar da karin haske kan lamarin. Ba Ordinary President ne da kansa ya shigar da karar ba, illa wasu daga cikin na kusa da shi ne suka dauki matakin. Haka kuma, bayan budurwar ta nemi afuwa, tare da shiga tsakanin da manyan mutane suka yi domin sasanta lamarin, an cimma maslaha, kuma an janye karar. Allah Ya tabbatar da zaman lafiya, Ya sanya afuwa da sulhu su ci gaba da wanzuwa a tsakanin al'umma.