@maryam18n2: بنات هاي مو صورة عادية هاي صورة أول لقاء بيناتنا وأثاري جان اللقاء الأول والأخير تخيلوا هذا الإنسان شكد جان يحبني أجا من البصرة لبغداد علمودي وجذب ع أهله وما گالهم أنا رايح لبغداد گالهم رايح لمنطقة قريبة لأن يعرفهم ما يقبلون وجازف بكلشي بس حتى يشوفني ويصير گبال عيني وبمعنى الكلمة جان بالنسبة إلي جنة كعدت بسوالفه الحلوة اللي ما ينشبع منها وجان جايبلي وياه كل الأشياء اللي أحبها رغم هو ما جان عنده فلوس ولا جان يشتغل بس جمع مصرفه وضام من مصرفه مال كلية ومقصر ع روحه بس حتى يشتريلي اللي أحبه ويفرحني أجا وفرحني وترس روحي أمان وبقى وياي وحتى من راد يروح بقى يبچي عليه ويگولي خاف أطول وما أشوفچ كأنو جان يدري وكأنو گلبه جان حاسس إنو هذا أول لقاء ورح يكون اللقاء الأخير وورا هذا اليوم دارت بينا الأيام ومرت السنين وأنا بقيت عطشانة لشوفته وذبحني الشوگ إله لا أنا أگدر أروح للبصرة لأن محد من أهلي يدري وما عدنا أقارب هناك ولا هو الگدر يرجعلي لبغداد بسبب ظروفه ودراسته الصعبة بالطب اللي جانت تاخذ كل وقته وحيله وهسة راح الطب وراحت البصرة وراحت بغداد وراحت روحي وياك يا بعد بيتي كسرت ظهري وفارگتني وأنا بعدني عطشانة لملگاك الله يرحمك يا حبيبي ويا أغلى ما خسرت ويجعل مثواك الجنة فدوة ادعوا له بالرحمة والمغفرة #حب #البنات_للبنات #فقيدي

مريم

Open In TikTok:

Region: IQ

Saturday 18 July 2026 16:59:42 GMT