@mr.soemyintt: #matterhornswitzerland ချောကလက် တောင်ပေါ်က ကမ္ဘာ့အံ့ဖွယ် နည်းပညာတွေနဲ့စွမ်းအင်ခြွေတာ အမြတ်ထွက်တဲ့ စွမ်းအင်သုံးရထားစနစ်🇨🇭🚂 ကျွန်တော်တို့ ငယ်ငယ်ကတည်းက စားခဲ့ရတဲ့ Toblerone ချောကလက်ဗူးပေါ်က တြိဂံပုံ တောင်ချွန်ကြီးကို မှတ်မိကြဦးမယ် ထင်ပါတယ် အဲ့ဒီတောင်ကြီးက တခြားမဟုတ်ပါဘူး ဆွစ်ဇာလန်နိုင်ငံရဲ့ ကမ္ဘာကျော် Matterhorn တောင်ကြီး ပါပဲ။ 🏔️ ဒီကနေ့ ကျွန်တော် မျှဝေပေးချင်တာကတော့ အဲ့ဒီ ချောကလက်တောင်ကြီးဆီကို တက်တဲ့အခါ စီးခဲ့ရတဲ့ နီနီရဲရဲ ရထားလိုင်းကြီး Gornergrat Bahn ရဲ့ မယုံနိုင်စရာ သိပ္ပံနည်းကျ စွမ်းအင်သုံးစနစ် အကြောင်းပါ ဒီရထားတွေက သာမန်ရထားတွေလို စွမ်းအင်ကို အလဟဿ မဖြုန်းတီးပစ်ပါဘူး သူတို့မှာ အံ့ဩစရာ Regenerative Braking စွမ်းအင်ပြန်လည်ထုတ်လုပ်သည့် ဘရိတ်စနစ် ပါဝင်ပါတယ် 🔋 သူ့ရဲ့ အလုပ်လုပ်ပုံက ပညာသားပါပါ အထက်သို့တက်ချိန် Energy Using တောင်ပေါ်ကို ဆွဲတက်တဲ့အချိန်မှာ လျှပ်စစ်စွမ်းအင်ကို သုံးစွဲပါတယ် အောက်သို့ဆင်းချိန် Energy Recharging တောင်ပေါ်ကနေ အောက်ကို ပြန်ဆင်းတဲ့အခါမှာတော့ ဆွဲအား Gravity ကြောင့် ရထားရဲ့ ဘရိတ်အရှိန်ကနေတစ်ဆင့် လျှပ်စစ်စွမ်းအင်တွေကို ဘက်ထရီထဲ ပြန်သွင်း Recharge တာတင် မကဘဲ တစ်မြို့လုံးရဲ့ လျှပ်စစ် ကွန်ရက် Grid ထဲကိုပါ စွမ်းအင်တွေ ပြန်လည်ပေးပို့ပါတယ် ရလဒ်အနေနဲ့ ရထား (၃) စီး အောက်ကို ဆင်းတိုင်း ထွက်လာတဲ့ စွမ်းအင်က နောက်ထပ် ရထား ၁ စီး တောင်ပေါ်ကို အလကား အားအပြည့်နဲ့ ဆွဲတက်ဖို့ လုံလောက်တဲ့အထိ စွမ်းအင် ပြန်ထွက်ပါတယ် တကယ်ကို စီးပွားရေးတွက်ခြေကိုက်တဲ့ စနစ်ပါပဲ 🌍 တစ်မြို့နယ်လုံး ကားကင်းစင် နယ်မြေ Car-Free Town ပိုပြီး အားကျဖို့ကောင်းတာက ဒီတောင်ခြေက ဇာမတ် Zermatt မြို့ပတ်ဝန်းကျင် တစ်ရပ်ကွက်လုံး တစ်မြို့နယ်လုံးမှာ ဓာတ်ဆီဒီဇယ်သုံးတဲ့ ကားတွေကို လုံးဝ ပေးမဝင်ပါဘူး မြို့ထဲမှာ သွားလာနေတဲ့ တက္ကစီတွေ ဘတ်စ်ကားတွေကအစ အားလုံးက ဘက်ထရီသုံး လျှပ်စစ်ယာဉ် Electric Vehicles တွေချည်းပါပဲ လေထုက လုံးဝအဆိပ်အတောက်ကင်းပြီး သန့်ရှင်းလတ်ဆတ်နေတာ အံ့မခန်းပါပဲဗျာ နည်းပညာကို စနစ်တကျ အသုံးချပြီး သဘာဝပတ်ဝန်းကျင်ကိုလည်း ကာကွယ် စွမ်းအင်ကိုလည်း အမြတ်ထွက်အောင် သုံးနေတဲ့ ဆွစ်ဇာလန်တို့ရဲ့ စနစ်ကတော့ အတုယူစရာ အပြည့်ပါပဲ ကျွန်တော်တို့ Myanmar လုပ်ငန်းတွေမှာလည်း ရေရှည်အတွက် ဒီလို စွမ်းအင်ချွေတာတဲ့ စနစ်တွေ Eco-friendly စနစ်တွေ တစ်နေ့ အကောင်အထည်ဖော်နိုင်ရင် ဘယ်လောက်ကောင်းမလဲလို့ တွေးမိရင်း...🙌💡 #TravelInsights #Matterhorn #GornergratBahn #GreenEnergy

iStar Ko Soe

Open In TikTok:

Region: CH

Saturday 18 July 2026 19:31:16 GMT