اسࢪ الـ حسين البارت 6 بنات تفاعلكم ابد محلو ليش _رجعنه لشقه تعبانين كاعدين نتعشه وهم فتح موضوع الرجعه كال يمته نرجع؟ كتله انطيهم علم باجر يمهم احنا هسه شويه ونطلع.. تجهزنه وانطلقنه متوجهين للاهل لهفه وشوك على ابوي وعمي جانت اشبه بلموت خوف من رده فعلهم بعد هل سنين نرجع وانشوفهم واني جنت حتى اتصال مااتصل بيهم قله قليلة يسمعون صوتي توكلنه واتصلنه عليهم واحنا طلعنه وبلغناهم انو اجينه... اسراء: كلام عقيل جان كفيل يغير تعابير شكل العائلة فرح بجي من كميه الفرحه البيت انترس حياة وفرحه واصوات ضحكنه طغه ع المكان.. ومن هنا تبدي متعه الحياة في العائلة برجوع الوريثين للعائلتين في صباح اليوم التالي كان الكل مستيقض مبكراً وضحك الاب والعم وفرحهم برجعت اولادهم... "يلا ولدي علي وحيدر تروحون تجيبون ذبايح لرجعه الولد بسلامه وانتم كرار ويوسف تروحون تجيبون اغراض ومسواك العزيمه كروم وحمودي تاخذون البنات للمول يجيبن اليردونه فـ كلها توزعت ع شغلها نضفنه البيت كلنه بناتنه وبنات عمو وجنه مقررين الزلم بـ ديوان والنسوان بيت عمو شامل والطبخ وترتيب.بيتنه كملنه ترتيب البيتين طلعنه كداري كبار العزايم ومواعين العزايم نغسل بـ10 كملنه كولشي صعدت سبحت وبدلت نروح للمول نشتري ملابس جديدة لان راح تجي هواي ناس وغراض ونجمعنه كلنه البنات بابا وعمو كعدو يخابرون ويعزمون الناس رحنه للمول ورجعنه بـ2 الضهر لكينه الكل جاي عمامي البقيه وعماتي وخالاتي وبناتهم وكولها واقاربنه ملتمين وكلها فرحانه على فرحنه وشايلات الجكليت يردن يطشن على روس الولد واني كل شويه اروح اصادقلي وحده واكل جكليت طيب ماطيب اكله اني جكليتي المفضل ابو البقرة 😂.. فـ امي وخالتي ونسوان عمامي بلشن يطبخن والناس كلها التمت وامي كل شوي دزني على شغله اجيبها سبتني سبي طفرت عنهن وصعدت احضر نفسي سبحت وبدلت وشسورت شعري ورسمت عيوني وخليت حمرا نوت طلعت فد شي تكشخت على اخر حبايه بعد رجعت اخوي حبيبي.. كلت فلا اساعدهن بعد اكعد مع النسوان طلعت لاكاني كروم صوفرر كال" اويلي يابه شهل جمال صاروخ ايراني" باوعتله بمكرر كتله" وانتَ صاروخ كويتي كال اصبريلي اليوم اسحلج سحل نزلت اركض من الدرج اضم بروحي من امي وخالتي لايشوفني ويدزني بشغله هستوني اروح لبيت عمو شامل لان النسوان هناك.. جان ماما تصيح ولج سريوه وين تردين تعاي جيبيلي نومي بصره كتلها عذريني ماعدنا نومي بصره عدنا عماره وفلتت وهيه تصيح وراي ولي شوكاحتج.. دخلت سلمت وكعدت احجي واضحك بين البنات هاي تكلي ضعفانه وهاي تكول سمنانه وهاي التريد تخطب وهاي التكول حلوه تخبلين طبعاً ماامدح نفسي بس سوالف النسوان ماتخلص... فـ مر الوقت وصارت ساعه بـ6 كالو الولد وصلو وتلكوهم عمامي وولد واصدقائهم سيارات هواي ورمي وعبالك زفه وعرس مو جيه الولد وصلو الولد ودخلوهم للديوان وناس فرحانه وتبارك الهم والحلو جانو بهيبتهم وضخامتهم لابسين الزي مالهم انغثو هواي ناس بي اكو نضره فخر ونضره حب ومحبه ونضره كره وحقد وحسد.... يتبع - @ma_mam9