@hengming36: #រឿងអ្នកម៉ាក់ឆ្នាស់ឆ្នើម ភាគ8 ព្រឹកព្រលឹមស្រស្រះនៅក្នុងផ្ទះYiheng រៀបចំខ្លួនពាក់អាវធំធ្វើការយ៉ាងសង្ហា និងមានរបៀបរៀបរយខណៈពេលដែលគេកំពុងតែឈរចងក្រវាត់កនៅពីមុខកញ្ចក់ JunmingបានពរJueiiតូចដើរចូលមកឈរពីក្រោយទាំងមុខក្រញូវ កាលពីយប់មិញJueiiយំទារអោបប៉ារហូតដល់លង់លក់ទើបព្រឹកនេះ Junming នៅតែមិនទាន់បាត់អន់ចិត្តនឹងកូនស្រីនិងមិនទាន់បាត់ខឹងនឹងប្តីដែលចូលចិត្តញោះនាងនោះទេ Yiheng(ងាកមកមើលប្រពន្ធ រួចនិយាយទឹកមុខស្មើ) «ម៉េចហើយអ្នកម៉ាក់ឆ្នាស់? ព្រឹកឡើងធ្វើមុខដូចយក្សចឹងកូនឃើញកូនខ្លាចលែងស្រឡាញ់ឥឡូវហើយ»(កាហឹងឌឺប្រពន្ធរហូត) «បង Yiheng! កុំមកនិយាយឌឺដងអូន1ថ្ងៃបានទេ ឱ្យតែបងមិននៅផ្ទះ ដឹងតែប្រគល់កូនស្រីបងមកឱ្យខ្ញុំវិញមិនខានទេ ចាំមើលចុះ!» «បងមិននៅ កូនគ្មានជម្រើស ទើបទៅរកអូនចាំល្ងាចបងមកពីធ្វើការវិញ ចាំមើលកូនរត់រកអ្នកណាឱ្យពិតប្រាកដ» និយាយចប់Yiheng លួចញញឹមចុងមាត់ រួចឱនទៅថើបក្បាលJueii មួយខ្សឺត បន្ទាប់មកក៏ដើរចេញទៅធ្វើការបាត់ធ្វើព្រងើយ បន្សល់ទុកឱ្យ Junmingឈរខឹងនិងប្តីម្នាក់ឯង លុះដល់វេលាថ្ងៃត្រង់ដូចអ្វីដែល Yiheng បាននិយាយមែនJueii ចាប់ផ្តើមរករឿងទាររកប៉ាទៀតហើយ នាងតូចដើរទៅតោងទ្វារផ្ទះ ដៃចង្អុលទៅក្រៅ មាត់គិតតែពីស្រែក «ប៉ាប៉ា... ប៉ាប៉ា... ទៅរកប៉ា...» មិនឈប់សោះ ឃើញកូនស្រីនឹករកប៉ាខ្លាំងពេក ថែមទាំងនឹកឃើញថា Yiheng ឧស្សាហ៍រវល់ការងាររហូតភ្លេចញុំាបាយថ្ងៃត្រង់ផងនោះ Junming ក៏ទន់ចិត្ត និងនឹកឃើញគំនិតមួយភ្លែតនាងចូលទៅក្នុងផ្ទះបាយ រៀបចំខ្ចប់ប្រអប់បាយរួចស្លៀកពាក់ឈុតរ៉ូបសាមញ្ញៗ តែមើលទៅស្អាតប្លែកភ្នែកមុននឹងពរ Jueii ឡើងឡាន សំដៅទៅកាន់ក្រុមហ៊ុនរបស់ប្តី បញ្ជាក់តិចបុគ្គលិកនៅក្នុងក្រុមហ៊ុនទាំងអស់ គ្មានអ្នកណាដឹងថា Yiheng មានប្រពន្ធ និងកូនស្រីឡើងព្រោះលោកប្រធានវ័យក្មេងម្នាក់នេះមានចរឹកម៉ឹងម៉ាត់ និងមិនដែលនិយាយរឿងផ្ទាល់ខ្លួនឱ្យអ្នកណាដឹងឡើយ សូម្បីតែស្រីៗស្អាតៗនៅក្នុងក្រុមហ៊ុនមកសុំស្នេហ៍ ក៏គេមិនដែលខ្វល់ដែរ ទើបគ្រប់គ្នាគិតថាគេជានាយកលីវ និងជាមនុស្សគ្មានបេះដូង គ្រាន់តែមកដល់ក្រុមហ៊ុនភ្លាម សម្រស់ដ៏ស្អាតដាច់គេនិងចរឹកក្រមិចក្រមើមរបស់ Junming រួមទាំងភាពគួរឱ្យស្រឡាញ់របស់ Jueii បានទាក់ទាញភ្នែកបុគ្គលិកគ្រប់គ្នាឱ្យងាកមកមើល «អូហូ... អ្នកណាគេហ្នឹង? ស្អាតម្ល៉េះ! ពរកូនក្មេងមកទៀត ឬមួយជាបងប្អូនស្រីរបស់លោកប្រធាន តិចនាងជាប្រពន្ធរបស់លោកប្រធានទៅ?» បុគ្គលិកស្រីៗលួចខ្សឹបខ្សៀវគ្នា Junming កំពុងតែដើរសំដៅទៅជណ្តើរយន្ត ក៏មានបុគ្គលិកស្រីម្នាក់ដែលជាអ្នកឃាត់ ដើរមកស្ទាក់ពីមុខ អ្នកឃាត់«សុំទោសចា៎! ប្អូនស្រីចង់មកជួបអ្នកណាដែរ? បើគ្មានការណាត់ជួបជាមុនទេ គឺមិនអាចអនុញ្ញាតឱ្យឡើងទៅខាងលើបានទេចា៎» Junming«ចា៎ ខ្ញុំមកជួបលោកប្រធាន Yiheng ខ្ញុំយកបាយថ្ងៃត្រង់មកឱ្យគាត់» ខណៈពេលនោះJueiiដែលនៅក្នុងដៃម៉ាក់ ឃើញរូបថតធំរបស់ Yiheng នៅជញ្ជាំង ក៏លូកដៃតូចៗទៅចង្អុល រួចស្រែកហៅ «ប៉ាប៉ា... ប៉ាប៉ា...» អ្នកឃាត់ឮបែបនេះ ក៏លួចញញឹម រួចគិតក្នុងចិត្តថា ក្មេងតូចនេះច្បាស់ជាវង្វេងវង្វាន់ ឬក៏ឃើញមនុស្សប្រុសស្អាតៗចេះតែហៅប៉ាៗតាមចរឹកកូនក្មេងមិនដឹងអីហើយ ព្រោះនាងដឹងច្បាស់ថា លោកប្រធាន Yiheng ដ៏ម៉ឹងម៉ាត់របស់នាង មិនទាន់មានគ្រួសារឡើយ អ្នកឃាត់ (ញញឹមរាក់ទាក់) «អូ... ចឹងសុំរង់ចាំមួយភ្លែតចា៎ ខ្ញុំសុំទូរស័ព្ទទៅសួរលោកប្រធានសិន» អ្នកឃាត់ប្រញាប់ដើរទៅតុទូរស័ព្ទ រួចចុចខ្សែកាបទៅបន្ទប់ធ្វើការរបស់ Yiheng ភ្លាមៗ អ្នកឃាត់«ជម្រាបសួរលោកប្រធាន! មាននារីវ័យក្មេងម្នាក់ ពរកូនតូច គាត់ប្រាប់ថាយកប្រអប់បាយមកជូនលោកប្រធាន តើលោកប្រធានអនុញ្ញាតឱ្យគាត់ឡើងទៅទេចា៎?» Yiheng(ឆ្លើយសំឡេងត្រជាក់តាមទម្លាប់) «ឱ្យនាងត្រឡប់ទៅវិញទៅខ្ញុំមិនទំនេរ...» (និយាយមិនទាន់ដាច់សូរផង ស្រាប់តែ Yiheng នឹកឃើញចរឹកប្រពន្ធគេភ្លែត ក៏ប្រញាប់សួរថែម) «ឈប់សិន! នាងមានពរកូនក្មេងអាយុប្រហែលមួយខួបមែនទេ?» អ្នកឃាត់«ចា៎... គាត់មានពរក្មេងតូចម្នាក់ » Yiheng(ទឹកមុខម៉ឹងម៉ាត់ប្រែជាទន់ភ្លន់គេប្រញាប់ងើបឈរ) «ឱ្យនាងឡើងមកភ្លាម! រួចបើកជណ្តើរយន្ត VIP ឱ្យនាងផង!» អ្នកឃាត់ដាក់ទូរស័ព្ទចុះទាំងបើកភ្នែកធំៗ ហួសចិត្តព្រោះមិនដែលឃើញលោកប្រធានប្តូរចិត្តលឿន និងមើលទៅអន្ទះសារបែបនេះឡើយនាងប្រញាប់ដើរមកជិត Junming ទាំងញញឹម «លោកប្រធានអនុញ្ញាតហើយចា៎! អញ្ជើញខាងនេះ ខ្ញុំនាំទៅជណ្តើរយន្ត VIP ចា៎» Junming ពរ Jueii ដើរចូលទៅក្នុងបន្ទប់ធ្វើការដ៏ធំល្វឹងល្វើយរបស់ Yihengទើបតែបើកទ្វារភ្លាម Jueii ឃើញប៉ាអង្គុយនៅតុធ្វើការនាងតូចបម្រុងនឹងស្រែក រួចលូកដៃទៅរក«ប៉ា... ប៉ាប៉ា...! លេងៗ...» អ្នកទាំងអស់គ្នាខ្មីនឈប់សេររឿងកុលាបស្នេហ៍ក្នុងរណ្តៅភ្លើងហើយ មិនបាច់ចាណរឿងនុងទៀតទេ ព្រោះរឿងនុងខ្មីភ្លេចសាច់រឿងអស់ហើយ😭😭#រឿងកុលាបស្នេហ៍ក្នុងរណ្តៅភ្លើង🥀

₊✩‧₊˚౨Jonathanৎ˚₊✩‧₊

Open In TikTok:

Region: KH

Sunday 19 July 2026 06:01:12 GMT