@user23980183793453: Bəzən insan ömrü boyu axtardığı sevgini uzaqlarda axtarır. Halbuki sevginin ilk ünvanı ailədir. Ata-ananın övladına bəxş etdiyi məhəbbət təkcə bir hiss deyil, onun gələcək həyatının təməlidir. Ailəsində sevgi, mərhəmət və dəyər görən bir qız böyüdükdə sevgini dilənməz. Çünki qəlbi ehtiyacla deyil, Allahın lütfü və ailəsinin məhəbbəti ilə böyümüşdür. O bilir ki, insanın dəyəri başqalarının diqqəti ilə deyil, Allahın ona verdiyi izzətlə ölçülür. Əgər bir qadının qəlbi sevgi ilə yetişibsə, sabah quracağı ailə də sevgi ocağına çevriləcək. Çünki insan gördüyünü yaşadar, aldığı məhəbbəti paylaşar. Rəbbimiz buyurur: "Onun dəlillərindən biri də budur ki, sizin üçün öz cinsinizdən zövcələr yaratdı ki, onların yanında rahatlıq tapasınız. Aranızda məhəbbət və mərhəmət yaratdı..." (Rum, 21) Allahın bəxş etdiyi məhəbbət ailədə kök saldıqda, nəfs öz istəklərini ağlın və imanın qarşısında geri çəkər. Belə qəlblər sevgini axtaran deyil, sevgi bəxş edən qəlblər olar.

Mürtəza

Open In TikTok:

Region: AZ

Sunday 19 July 2026 09:37:19 GMT