@publika.ge: 📷 პოლიციამ ჯანმრთელობის განზრახ მსუბუქი დაზიანების ბრალდებით 30 წლის გიორგი ჭიღლაძე დააკავა. უწყება მოწმეთა ჩვენებებზე დაყრდნობით ამბობს, რომ თელავში, ერთ-ერთ სასტუმროში, ქორწილის მიმდინარეობისას სასტუმროში დამსვენებელმა უცხო ქვეყნის მოქალაქეებმა სასტუმროს ნომრის აივნიდან შეურაცხყოფა მიაყენეს ქორწილში მყოფ პირებს და წყალი დაასხეს აპარატურას. „რის შემდეგაც ბრალდებულმა ფიზიკური დაზიანება მიაყენა უცხო ქვეყნის მოქალაქე ქალს. დაშავებული, შესაბამისი სამედიცინო დახმარების გაწევის მიზნით, კლინიკაში გადაიყვანეს. ჩატარებული ოპერატიული ღონისძიებებისა და საგამოძიებო მოქმედებების შედეგად დანაშაულის ჩამდენი პირი დაკავებულია“, - ამბობს შსს. ქორწილის ჩაშლის ფაქტს ადასტურებენ ქორწილის სტუმრები. მათივე ცნობით, უცხო ქვეყნის მოქალაქეები, რომლებიც რუსულად საუბრობდნენ, შეურაცხყოფას აყენებდნენ სტუმრებს - სასტუმროს აივნიდან იგინებოდნენ და წყალს და სხვადასხვა სითხეს ასხავდნენ ხალხს და აპარატურას. როგორც თვითმხილველები ამბობენ, ქორწილის სტუმრებმა ინციდენტამდე სასტუმროს ადმინისტრაციასაც მიმართეს სიტუაციის განსამუხტად, თუმცა, მათივე ცნობით, ადმინისტრაციას რეაგირება არ მოუხდენია.

PUBLIKA.ge

Open In TikTok:

Region: GE

Sunday 19 July 2026 11:59:23 GMT