@nyeinmaung19: အစ်မတစ်ယောက်ပြောဖူးတာလေး သဘောကျလို့။ "ရှင်သန်ရတဲ့ ပတ်ဝန်းကျင်တွေ မတူလို့ အကျင့်စရိုက်တွေလည်း မတူကြဘူး" ဆိုတဲ့ စကားလေးလေ။ ချစ်ခြင်းမေတ္တာနဲ့ ကျေးဇူးတရားကို ကောင်းမွန်စွာ သင်ကြားခဲ့ရတဲ့သူနဲ့ ချစ်ခြင်းမေတ္တာကို တန်ဖိုးထားမတတ်တဲ့ ပတ်ဝန်းကျင်မှာ ရှင်သန်ကြီးပြင်းခဲ့ရတဲ့သူနဲ့ အကျင့်စရိုက် စိတ်နေစိတ်ထားတွေဟာ ဘယ်လိုမှ မတူကြဘူး။ "အစ်မတို့က ကိုယ့်အပေါ်ကောင်းတဲ့သူဆိုရင် အမြဲတမ်း တန်ဖိုးထားပြီး ရှင်သန်သွားကြတာဆိုပေမဲ့ လူတစ်ချို့ကတော့ ကိုယ့်အပေါ်ကောင်းတဲ့သူဆိုရင် ငါအသုံးချလို့ရတဲ့သူ၊ ခိုင်းလို့ရတဲ့သူလို့ တွေးကြတာ" တဲ့။ အဲ့စကားက တကယ်မှန်တာနော်။ ဘဝမှာ လူတွေအမျိုးမျိုးနဲ့ကြုံကြရတယ်။ ကိုယ့်အပေါ် တကယ့်ကို ကောင်းပေးကြတဲ့သူတွေ ရှိသလို၊ ကိုယ်ကကောင်းပြီး ကိုယ့်အပေါ် ပြန်ကောင်းပေးကြတဲ့ အသွားအပြန် ရှိတဲ့ စေတနာ မေတ္တာတွေနဲ့လည်း ကြုံခဲ့ဖူးတယ်။ ကိုယ့်မှာ ၁၀၀၀ ရှိလို့ ၁၀၀ပေးတာမျိုး မဟုတ်ဘဲ ၁၀၀ပဲရှိတာကို ၁၀၀လုံးလုံး ပေးခဲ့ပေမဲ့လည်း စော်ကားခံလိုက်ရတဲ့ စေတနာ မေတ္တာတွေလည်း ရှိခဲ့ဖူးတော့ လူတိုင်းအပေါ် အပြည့်အဝ ကောင်းပေးလို့မရမှန်း သိလာခဲ့တယ်။ အဲ့ဒါကြောင့် ခုနောက်ပိုင်း ဘယ်သူ့အပေါ်မှာမှ မျှော်လင့်ချက်တွေ မထားဘူး။ အထူးသဖြင့် "သူကတော့ ငါ့ကို ဒီလို မလုပ်လောက်ပါဘူး" ဆိုတဲ့ မျှော်လင့်ချက် ပိုမထားဘူး။ ကိုယ်ကတော့ "ငါဒီလောက် ကောင်းပေးရက်နဲ့ လုပ်ရက်လိုက်လေခြင်း" လို့ တွေးပေမဲ့ လုပ်ရပ်လို့ လုပ်သွားတာက သူ့စရိုက်လေ။ အခုနောက်ပိုင်း ကိုယ်တိုင်အဆင်ပြေဖို့ကို အရင်တွေးတယ်။ ကိုယ့်ကြောင့် တစ်ဖက်သူ မထိခိုက်ဖို့ပဲ ဦးစားပေးတယ်။ ကျန်တာ ကိုယ့်အတွက်ကိုယ်ပဲ တွေးတော့တယ်။ မဖိတ်ခေါ်တဲ့အရပ်၊ မကြိုဆိုတဲ့ အရပ်တွေကို မသွားဘဲနေတယ်။ အသွားအပြန်မရှိတဲ့ ချစ်ခြင်းမေတ္တာတွေကိုလည်း အတတ်နိုင်ဆုံး ရှောင်ဖြစ်လာပါတယ်။ အပေါ်က အစ်မပြောသလိုပဲ "စိတ်ကျန်းမာဖို့" အတွက်လေ

There are no more comments for this video.

To see more videos from user @nyeinmaung19, please go to the Tikwm homepage.