@atawatanhabarlary: Ejesini 70 ýyl garaşdy Ammo Bahe doglandan alty ýaşyna çenli ejesi bilen ýaşapdyr. Bir gün ejesi meýdandaky işine gümra bolup, açyk ýerde ýatan bäbejigini unudypdyr. Şol wagt bir guş ýa-da towuk gelip, bäbek Baheniň bir gözüni çokup kör edipdir. Şol günden başlap, ol ömrüniň ahyryna çenli bir gözi kör ýaşapdyr. Mardiniň siriýani jemgyýetinden bolan Bediýa daýza dört çagasy bilen dul galýar. Ol heniz otuz ýaşlaryndadyr. Çaresiz galan ene Siriýa göçmäge karar berýär. Üç çagasyny ýany bilen alyp gidýär. Şol wagt alty ýaşyndaky Baheni bolsa Deýrulzafaran monastyryna amanat goýýar. Bahe doganlarynyň içinde iň ejizi bolupdyr. Hem syrkaw, hem-de akyl taýdan deň-duşlary ýaly däldi. Ejesi ony alyp gidip bilmejegini, göç ýoluna çydap bilmejegini pikir edipdir. Ogluny monastyryň howpsuz diwarlarynyň arasynda galdyryp: "Şu ýerde gal, men gaýdyp gelerin" diýipdir. Bahe alty ýaşyndan başlap, boýnuny büküp ejesiniň dolanaryna garaşýar. Ol ejesine doly 70 ýyl garaşýar. Emma ejesi hiç haçan dolanmaýar. Bediýa daýza Siriýada başga bir adama durmuşa çykýar we iň kiçi ogluny täzeden gözlemän, ýatdan çykarýar. Ammo Bahe bütin ömrüni Mardindäki Deýrulzafaran monastyrynda geçirýär. Hemmäniň tanaýan bu mylaýym adamynyň her gelen bilen azajyk bolsa-da söhbeti bolýar. Kimdir biri: "Näme edýärsiň?" diýip sorasa, ol hemişe şol bir jogaby berýärdi: "Ejeme garaşýaryn. Ol meni şu ýere goýdy. Geljekdigini aýtdy." Ol ejesi tanasyn diÿip gyzyl joep bilen garaşyar. Sebabi ejesi goyup gidende aÿagynda gyzyl jorap bar eken. Wagt geçýär. Bu garaşyş diňe 2014-nji ýylda, Ammo Bahe aradan çykanda tamamlanýar. Ol bir ömür garaşdy. Käte göwnüne degildi, käte içinde nägilelik bardy, ýöne kimiň üstüne öýke etmelidigini hem bilmedi. Ejesiniň gelmejekdigine düşünse-de, ömrüniň soňky gününe çenli garaşmagyny bes etmedi.

Atavatan Tv

Open In TikTok:

Region: US

Sunday 19 July 2026 15:33:47 GMT