@plaku133: Orhan Halilaj lindi më 13 mars 1979 në fshatin Gllogjan, komuna e Deçanit. Shkollën fillore dhe atë të mesme i kreu në Irzniq. Prindërit Lan e Sharke Halilaj kishin shtatë fëmijë: pesë vajza e dy djem. Më 23 prill Orhan Halilaj u gjend në radhët e UÇK-së në mbrojtje të fshatit. Kohë pas kohe dëshmori shkon për furnizim me armë, ku ia mësyu Shqipërisë, rrugë kjo të cilën e kaloi disa herë së bashku me shokët nga Gllogjani Luan Nimanaj, Sadik Halilaj, Agim Selmanaj, Miftar Halilaj etj. Pas këtyre udhëtimeve, Orhan Halilaj mori pjesë në luftën që u zhvillua në Baballoq, kundër forcave ushtarake serbe ku u gjend në vijën e parë të fronit, e njëherësh edhe u plagos në kraharor, në të djathtë. U dërgua në Shqipëri për shërim, ku pas shërimit u kthye përsëri ndër radhët e luftëtarëve të UÇK-së. Këtu, në Gllogjan, ai dha kontributin e vet të pamohueshëm. Gllogjani ndodhej i rrethuar nga forcat serbe, të cilat posedonin artileri të rëndë dhe tanke. Orhani, ashtu si edhe djali i xhaxhait të tij, Enveri, ndodheshin ballë për ballë armikut, mu te shkolla fillore "Hasan Prishtina", aty ku Orhani kishte marrë mësimet e para. Është kjo dita e 11 gushtit kur edhe vriten të dy dëshmorët, mu te pragu i diturisë, në mbrojtje të vendlindjes dhe të atdheut nga një predhë tanksi e armikut. Duhet përmendur këtu edhe disa të dhëna të kësaj familjeje. Babai i Orhanit, Lan Halilaj, që në ditën e parë të sulmit në Gllogjan, u zu rob bashkë me 12 bashkëfshatarë, i keqtrajtuan, i dërguan në Burgun e Gjakovës dhe pas tre ditësh i liruan. Edhe nëna e dëshmorit Orhan Halilaj, Sharke Halilaj po këtë ditë rrahet nga forcat serbe deri në alivanosje.#brigada133 #kosova #shqiptaretneperbote🇦🇱🌍 #deshmoreatdheut🇦🇱 #plakuuçk

PLAKU UÇK🇦🇱

Open In TikTok:

Region: AL

Sunday 19 July 2026 17:07:54 GMT