@queen39449: وصفة خبز الباي كيما في الفيديو، يجي معسل وخفيف و يصلح للسهرة الرمضانية وحتى كمشروع، تقدري تديريه في مول كبير ولا في لي كيسات صغار. 1- الشربات (لازم تكون باردة) • 2 كيسان سكر • 4 كيسان ماء • شريحة قارص (ليمون) حطيهم يغليو حوالي 10 دقايق وخليها تبرد تماما. الشربات لازم تكون باردة والبسبوسة سخونة. 2- عجينة خبز الباي المقادير بالكاس تاع 220مل: • 4 حبات بيض يكونو بدرجة حرارة الغرفة • نص كاس سكر • كاس غير ربع زبدة ذايبة وباردة - استعملت زبدة Brassimex El Mordjene حوالي 200غ - 250غ • 1 كاس شابلور (خبز يابس مرحي رقيق) • 1 كاس مكسرات محمصين ومرحيين خشين شوية - تقدري تديري كاوكاو، لوز، جوز، لي عندك بقشورو • 1 كيس خميرة كيميائية (10غ) • رشة فانيلا الطريقة: 1. في الباتور، طلعي البيض مع نص كاس سكر مليح حتى يبياض الخليط ويطلع حجمو ويولي موس. 2. ذوبي الزبدة وخليها تبرد شوية، وفرغيها على خليط البيض وخلطي غير بشوية بالفوي. 3. زيدي كاس الشابلور وكاس المكسرات وكيس الخميرة، وخلطي بالفوي حتى يتجانس، راح تتحصلي على خليط ثقيل شوية كيما في الفيديو. 4. ادهني المولات مليح بالزبدة برك، ما ديريش الفرينة. 5. عمري المولات غير النص برك، لأنو راح يطلع. اذا درتي مول كبير ادهنيه بالزبدة مليح. 6. دخليهم يطيبو في فرن مسخن من قبل على **160 درجة من تحت فقط**، كي تشوفيهم تحمرو وحمارت الجوانب شعليلو من الفوق يدي لون ذهبي. 3- التشريب والتزيين كي تخرجيهم سخونين مباشرة شربيهم بالشربات الباردة حتى يتشربو مليح. خليهم يبردو شوية. من بعد ادهني الوجه بشوية زبدة ذايبة باش يلمع، وزيني كيما تحبي: المول الكبير دارتلو فستق مرحي وورد مجفف. الصغار دارت فيهم جوز، فستق، حب الملوك، وورد. نصيحة للمشروع: عمرّي لي كيسات الألمنيوم الصغار نص برك، طيبيهم وخليهم يبردو، شربيهم وخليهم في علب محكمة الغلق، يبقاو طريين 3-4 أيام. التزيين ديريه في الأخير باش يبقى شاب. جربيه واحتافظي بالوصفة لرمضان، يجي بزاف بنين ومعسل ويذوب في الفم.

وصفات ولا أروع

Open In TikTok:

Region: DZ

Sunday 19 July 2026 18:38:38 GMT