هديه. احتمال يكون هاذا اخر بارت؟ اذا ما تتفاعلون _كعدنا نغسل وصوت ضحكنه وشقه البنات.. وصوت الولد من الديوان وحماسهم حسين وعقيل جاي يحجولهم على مهنتهم والي صار وياهم.. كعدت اغسل مواعين جان المواعين بيهن زيت كولش دسم يعني مينغسلن بزاهي الا ماي حار فـ كلت للبنات جيبن ماي حار نغسل بيهن اني وبنات عمي شامل نغسل وبنات عمتي اكو حبابات واكو مسمومات كولش مينجرعن فـ وحده منهن بعمري اسمها نور مسمومه وحيه جانت مخليه طن مكياج كلش اوفر ومنضرها ابد مو مريح للنضر بس واكفه ماتساعد بشي لقاوي كالتلها "نور نور جيبي ماي حار لسراوي خل تغسل" كالت"شني قابل اني خدامه لـ اسراء؟ جان لقاوي تكلها "وين محصلتها خدامه ولـ اسراء شرف الج هاذا لقاوي اجت وباستني كدامها وكالت" وين الله ويصير البالي، استغربت شنو البالها؟ هستوني دااحجي جان نور حجت بضحكه وتحدي وكالت. "البالج مايصير واني موجوده" لقاء ضحكت باستهزاء وكالتلها دروحي جيبي ماي لسراوي وتعاي.. راحت هيه واني جنت كاعده كدامي الجدريه بيها زاهي وسيم مواعين منتضره الماي تجيبه حتى اغسل.. اسولف واضحك لقاء جانت كاعده يمي مخليه ايدها على ركبتي وحاضنتني لصدرها مدنكه وماده رجلي مندمجين نسولف ونضحك مااحس الا رجلي تشتعل صرخت صرخه شكت كلبي كميه الالم برجلي ماتنوصف اشبه بطلاع الروح بنات عمو وخواتي ركضن عليه واني اصرخ وابجي ع منضر رجلي حرفياً جان جلد رجلي ماع من كميه حروره الماي ابجي مفرفحه لقاء سحلت نور من شعرها كالتلها بلعباس متقصدة انتِ متقصده وهيه تبجي دموع التماسيح وتكلها والله ممتقصدة بل غلط خواتي يبجن وياي واني اصرخ بحضن منار خليت راسي بحضنها على صوت صريخي طلعو الولد يركضون من الديوان ابجي واشهك ... يسرى: طلعو اخواني على صوت اسراء يتراكضون تخبلو كروم وكرار يصرخون يرعدون رعد ميعرفون شيسون يوصلون للباب ويرجعون عليها نسو كلشي وطلعو عمامي وابوي من البيت وامي وخالتي اجت امي بصدمه لطمت على صدرها وتبجي جنه كلنه ملتمين ع اسراء اجا عقيل يركض عليها حضنها شاف رجلها شالها بحضنه لسياره حسين ابن عمو اخذها حسين وامي وياهم ابوي وجه انصفر والغضب بوجهه هوا وعمي حسين باوع لرجل اسراء عكد كصته ع منضر رجل اسراء للحضه تحولت نضراته لعقيل وخزره كله تعال اصعد كدام وخلي الوالده تصعد مع البنيه باوعت مستغربه بنيه؟ فـ راحو مجان عندي وقت اكعد احلل وافكر راحو وكرار ركض لسيارته هوا وكروم كتلهم اجي وياكم رحت بسرعه لبست وطلعت اركض اني ولقاء صعدنه وشخطو السياره بكل سرعتهم وانطلقو متخبلين على اسراء كولش هيه بيضه وجلدها ناعم مثل الطفل بحيث بساع تاثرت الطريق كله لقاء لازمتني تشهك وتبجي وتصيح والله هيه جوتها متقصدة اني شفتها لقاء تحجي مانحس الا السياره شخطت وتوقفت بقوة انضرب راسي بلكشن ولقاء شهكت التفتو الولد علينه بعصبيه وعيونهم تجدح نارر كرار كال بنبره حاده مني المتقصدة تجويها هيج منيه؟ خليت ايدي ع حلك لقاء ومنعتها تحجي لان اعرف اخواني ميسكتون ومعصبين حيسون مشكله وعيب وزحمه.... يتبع - @ma_mam9