@universalfaktlar: 🎥 BBC jurnalisti jonli efirga tayyorgarlik vaqtida kutilmagan holatga duch keldi. BBCning Yaqin Sharq bo‘yicha muxbiri Kventin Sommervill Afg‘onistonga reportaj tayyorlash uchun bordi. Uning ortida musodara qilingan 8,5 tonna geroin, afyun va gashish yoqib yuborilayotgan edi. Vazifa oddiy edi — kamera qarshisida yonayotgan giyohvand moddalar haqida qisqa matnni o‘qish. Ammo birinchi urinishdayoq u kulib yubordi va gapini tugata olmadi. Operator yana qayta suratga oldi. Oradan bir necha soniya o‘tib, ikkalasi ham kulishni to‘xtata olmadi. Har bir yangi dublda xuddi shu holat takrorlandi. Sommervill operatorni tezroq ishlashga undar, “endi albatta chiqadi”, der edi. Ammo yonayotgan giyohvand moddalar tutuni o‘z ta'sirini ko‘rsatayotgan edi. Bu videolar qariyb 4 yil davomida arxivda saqlanib qoldi va hech qachon efirga uzatilmadi. 2014-yil dekabr oyida Sommervill videoni o‘zi Twitter sahifasiga “Don't Inhale” (“Nafas olmang”) nomi bilan joyladi. BBC yozuvning haqiqiyligini tasdiqladi va uning hech qachon efirga uzatilmaganini ma'lum qildi. Video qisqa vaqt ichida butun dunyoga tarqaldi. Qiziq tomoni shundaki, G‘azo, Iroq va Misrdagi jangovar hududlardan bemalol reportaj tayyorlagan jurnalist aynan yonayotgan giyohvand moddalar tutuniga dosh bera olmagan. #Uzbekistan #QiziqarliFakt #Bilarmidingiz #BBC #Tarix

408

To see more videos from user @universalfaktlar, please go to the Tikwm homepage.