@lylynovel: អាណាព្យាបាលបេះដូង // 34 «និយាយចឹងសិស្សច្បងមកវិញតាំងពីពេលណា? ខ្ញុំមិនដឹងសោះ ទើបតែដឹងពេលសិស្សច្បងខលទៅនៅល្ងាចម្សិល» អ្នកនិយាយទាំងកាត់ម្ហូបក្នុងចាន «អរ ខ្ញុំមកតាំងពី ១ សប្តាហ៍មុន...គ្រាន់តែមិនទាន់ហ៊ានហៅនាងមកជួប ព្រោះឮថាលោកពូទើបតែចេញពីមន្ទីពេទ្យ» «ចាស ក៏បែបនោះហើយ» និយាយហើយអ្នកក៏ដាក់ដុំសាច់ចូលមាត់មួយម៉ាត់ «អឹម...ឆ្ងាញ់ណាស់» «ពិតមែនទេ? ចឹងនាងញ៉ាំអោយច្រើនៗទៅ» ជេក និយាយទាំងញញឹមមកកាន់អ្នក។ ហើយពេលនោះដែរទូរស័ព្ទរបស់អ្នកដែលនៅលើតុនោះក៏មានសារមួយលោតមក។ ជេក មើលទៅកាន់ទូរស័ព្ទរបស់អ្នកខណៈអ្នកកំពុងតែញ៉ាំយ៉ាងរីករាយ។ ជេក ដូចជាមានភាពភ្ញាក់ផ្អើលព្រោះថាអេក្រង់ទូរស័ព្ទរបស់អ្នកមានតាំងរូបម៉ាក់របស់អ្នក។ ដោយមិនអស់ចិត្តនាយក៏សួរអ្នកតែម្ដង «ឈែយ៉ុង នាងស្គាល់បងស្រីក្នុងអេក្រង់ទូរស័ព្ទរបស់នាងដែរមែនទេ?» អ្នកងាក់មើលទូរស័ព្ទហើយក៏សើចមើលមកមុខ ជេក វិញ។ «មិនមែនជាបងស្រីទេ គាត់ជាម៉ាក់របស់ខ្ញុំ សិស្សច្បងមានរឿងអីមែនទេ?» «ម៉ាក់នាង? ហេតុអីខ្ញុំមិនដែលឃើញគាត់នៅជាមួយនាង បងស្រី អូ..មិនមែនទេខ្ញុំត្រូវតែហៅថាមីងហើយ...» «ចាស តាមពិតទៅគាត់ក៏មិនបាននៅជាមួយខ្ញុំមែន ព្រោះថាម៉ាក់គាត់មានហេតុផលរបស់គាត់ដែលធ្វើអោយម៉ាក់រត់ចោលប៉ាបែបនេះទៅ» «អូ ខ្ញុំសូមទោសខ្ញុំសួរនាងច្រើនពេលហើយ» «ចាស មិនអីទេ» អ្នកតបដោយញញឹមទៅនាយ។ ជេក គ្រាន់តែស្ងៀមហើយក៏លួចមើលទៅអេក្រង់ទូរស័ព្ទរបស់អ្នកម្ដងម្កាលផងដែរ តើជេកស្គាល់ម៉ាក់របស់អ្នកឬ? នៅខាងមុខហាង មិនយូរប៉ុន្មានការជួបគ្នារបស់អ្នកនិងជេកក៏មកដល់ទីបញ្ចប់ ហើយអ្នកក៏លាជេកទៅផ្ទះវិញ។ «លាសិនហើយសិស្សច្បង បើសិនជាទំនេរពួកយើងនឹងជួបគ្នាម្ដងទៀត» «បាទ ផ្ដាំសួរសុខទុកលោកពូផង» «ចាស អរគុណហើយ» និយាយរួចហើយអ្នកក៏ចូលក្នុងឡាន រួចហើយឡានក៏បើកចេញទៅ។ ជេក ឈរមើលឡានចេញទៅ រហូតឡានចេញទៅផុតនាយក៏ដកទូរស័ព្ទរបស់នាយមកមើល។ ចូលទៅក្នុងរូបថត ហើយចុចមើលរូបនារីម្នាក់។ «ដូចណាស់ ឈែយ៉ុងនិងបងស្រី ស៊ូអ៉ី ជាម៉ាក់កូននឹងគ្នាពិតមែន!!» ហើយពេលនោះដែរជេកក៏ចុចផ្ញើរូបរបស់អ្នកដែលនាយលួចថតមិញនេះចូលទៅក្នុងឆាតរបស់នរណាម្នាក់មុននឹងសរសេរសារទៅមួយជួរ *នេះជារូបរបស់នាង* ផ្ញើសាររួចហើយ ជេក ក៏ដាក់ទូរស័ព្ទចូលហោប៉ៅវិញ។ ក្រលេកមកមើលខាងនេះវិញ នារីម្នាក់អង្គុយលើសាឡុងក្នុងវីឡាដ៏ធំ កំពុងតែកាន់ទូរស័ព្ទមើលរូបកូនស្រីហើយទឹកភ្នែកក៏ស្រក់ចុះមកបន្តិច មេដៃអង្អែលថ្ពាល់កូនស្រីតាមរយៈកញ្ចក់ទូរស័ព្ទ។ «ហ៉ឹកៗ...កូនស្រីមែនទេ? នេះកូនពេញក្រមុំហើយ មើលចុះស្រស់ស្អាតណាស់ ហឹកៗ ម៉ាក់រីករាយណាស់ដែលដឹងថាកូននៅតែចាំម៉ាក់ ទុកម៉ាក់ក្នុងការចងចាំកូន ទោះដឹងថាម៉ាក់ទៅចោលកូនក៏ដោយ» ... ភូមិគ្រឹះ លី គ្រាន់តែអ្នកចូលដល់ក្នុងផ្ទះភ្លាម កែវភ្នែករបស់លោកពូសំណព្វក៏សម្លឹងមកអ្នកដូចជាចង់មកហែកអ្នកឥឡូវទេ។ អ្នកឃើញហើយអត់ទ្រាំមិនបាន ក៏ដើរយឺតៗទៅរកនាយ។ «លោកពូកើតអីដែរទេ?» ហ៉ីស៊ឹង គ្រាន់តែមើលមុខអ្នកហើយក៏និយាយឡើង «មើលក្នុងទូរស័ព្ទរបស់ឯង» អ្នកភ្ញាក់បន្តិចរួចហើយក៏យកទូរស័ព្ទមកមើលទើបចាប់អារម្មណ៍ថាសាររបស់ហ៉ីស៊ឹងឆាតមកអ្នកច្រើនមែនទែន។ គ្រាន់តែឃើញបែបនេះអ្នកក៏ញញឹមដាក់នាយ។ «អីយ៉ាលោកពូ មកពីខ្ញុំជាប់ដៃហើយម៉្យាងវិញនោះខ្ញុំមិនដឹងថាលោកពូផ្ញើសារមកខ្ញុំនោះទេ» «ឮថាទៅណាត់ជួបសិស្សច្បងមែនទេ?» លោកប៉ាហ៉ីជូនសួរឡើង។ «ចាសលោកប៉ា មកពីគាត់ហៅទៅជួប» «ហើយជាកូនស្រីផង ប្រុសហៅក៏ចេះតែទៅភ្លាមចឹងមែនទេ» ហ៉ីស៊ឹង និយាយឡើងទាំងមិនមើលមកអ្នកទេ នាយអោនមើលទូរស័ព្ទរបស់នាយ។ «អេ មិចក៏ថាអោយខ្ញុំបែបនេះ គាត់ជាសិស្សច្បងរបស់ខ្ញុំ គ្រាន់តែទៅជួបតិចតើ» «យ៉ាងណាគេក៏ជាប្រុស» «ប៉ុន្តែ...» «ឈែយ៉ុង ស្ងាត់ទៅលោកពូហាមក៏ស្ដាប់តាមពូទៅ» «ប៉ា...ប៉ុនែ្ត...» «បានហើយឡើងទៅខាងលើទៅ បើមិនទាន់បានញ៉ាំអីទេ ក៏ទៅញ៉ាំសិនទៅ ស្រីបម្រើធ្វើហើយអស់ហើយ» «ចាសលោកប៉ា» ថារួចហើយអ្នកក៏ឡើងទៅខាងលើបាត់ទៅ។ ចំណែកហ៉ីស៊ឹងក៏មានអ្នកខលចូលមកដូចគ្នា។ នាយក៏ចុចទទួល *ចៅហ្វាយយប់នេះដៃគូរសហការរបស់លោកហ៉ីជូនខលមកថាចង់ជួបចៅហ្វាយនៅក្លឹបកម្សាន្តរបស់លោក អ៉ឺរី* *ល្អ ប្រាប់វិញទៅថាខ្ញុំយល់ព្រម* *បាទ* ហើយទូរស័ព្ទក៏ត្រូវបានកាត់ផ្ដាច់។ ហ៉ីស៊ឹង ងាក់ទៅមើលបងប្រុសរួចនិយាយឡើង។ «បងប្រុស យប់នេះដៃគូសហការក្រុមហ៊ុនរបស់បងមកជួបនៅក្លឹប លោកអ៉ឺរី» «អឹម ទៅចំនួសបងទៅ» «បាទ មិនអីទេ ចាំពេលណាបងស្រួលខ្លួនខ្លាំងជាងនេះនោះចាំបងទៅគ្រប់គ្រងវិញចុះ» «ល្អ» ... យប់ក៏បានមកដល់ នីអ៊ីម រុករើពេញបន្ទប់និងខាងក្នុងផ្ទះទាំងមូលក៏នៅតែមិនឃើញលុយរបស់នាងដដែល។ «វានៅទីណាទៅ? ហេតុអីមិនឃើញ» នាងរើចុះរើឡើងសព្វផ្ទះរកមិនឃើញហើយក៏ភ្លេចខ្លួនថាត្រូវទៅធ្វើការ ដូច្នេះហើយនាងក៏ងាក់មើលម៉ោង ម៉ោង 7:37 នាទីទៅហើយ «នេះជិតម៉ោង 8 ហើយខ្ញុំមិនទាន់តែងខ្លួនទៀត ច្បាស់ជាយឺតមិនខាន...លុយទុកវាមួយលែកសិនចុះមកវិញចាំរកទៀត» ថារួច នីអ៊ីមក៏ប្រញាប់ប្រញាល់ចូលបន្ទប់និងរៀបចំខ្លួនយ៉ាងលឿន មួយសន្ទុះក្រោយនីអ៊ីមក៏ចេញពីបន្ទប់មកវិញ នាងបានពាក់រ៉ូបពណ៌ខ្មៅខ្លីលើភ្លៅហើយវាលខ្នងនិងខ្សែដៃអាវតែមួយសរសៃតូចប៉ុណ្ណោះ! «តើខ្លីពេកទេ?» នីអ៊ីម សួរខ្លួនឯង រារែកចិត្តបន្តិចដែរតែនាងក៏ក្លាហានសម្រាចចិត្តថាទៅ សំណាងហើយអោយតែពេលយប់ប៉ារបស់នីអ៊ីម មិននៅផ្ទះទេចឹងហើយនាងមិនពិបាក់ក្នុងការចេញក្រៅឡើយ។ នាងក៏លួចចេញទៅបាត់ទៅ។ #heeseung #អាណាព្យាបាលបេះដូង

𝑳𝒀𝑳𝒀-𝑵𝑶𝑽𝑬𝑳🖋️📚

Open In TikTok:

Region: KH

Monday 20 July 2026 06:18:09 GMT