@chaudharyusman182p: انتظامی غفلت کا شاخسانہ، 4روز بعد بھی چوتھے معصوم بچے کی لاش نہ مل سکی، وارثان نڈھال انتظامیہ کی عدم توجہی اور متعلقہ اداروں کے درمیان آپسی رابطوں کا فقدان معصوم بچوں کے لواحقین کے لیے مزید ذہنی اذیت کا باعث بن گیا۔ گلن مائنر نہر میں ڈوبنے والے چوتھے بچے کی لاش 4 روز گزرنے کے باوجود تاحال ریکور نہ کی جا سکی، 4 روز قبل چک نمبر 182 پی کے قریب گلن مائنر میں گھریلو ناچاقی سے دلبرداشتہ ہو کر ایک ماں نے اپنے چار معصوم بچوں سمیت نہر میں چھلانگ لگا کر خودکشی کی خوفناک کوشش کی تھی۔ ریسکیو آپریشن کے دوران ماں کو تو زندہ بچا لیا گیا تھا، جبکہ ابتدائی 48 گھنٹوں میں 3 بچوں کی لاشیں نکال لی گئی تھیں۔ تاہم، چوتھا بچہ اب بھی لاپتہ ہے۔ ### ضلعی انتظامیہ اور محکمہ انہار کی بے حسی اہلیانِ علاقہ اور عینی شاہدین کے مطابق ریسکیو 1122 کی ٹیمیں اپنی بساط کے مطابق سرچ آپریشن میں مصروف ہیں، لیکن ضلعی انتظامیہ اور محکمہ انہار کی مجرمانہ خاموشی سب سے بڑی رکاوٹ بنی ہوئی ہے۔ علاقہ مکینوں اور لواحقین نے بارہا استدعا کی کہ نہر کے پانی کو چند گھنٹوں کے لیے بند یا کم کیا جائے تاکہ لاش کو تلاش کرنے میں آسانی ہو۔جبکہ مقامی حکام کی جانب سے نہر کی بندش کے حوالے سے اب تک کوئی عملی قدم نہیں اٹھایا گیا، جس کی وجہ سے تیز بہاؤ میں ریسکیو ٹیموں اور مقامی غوطہ خوروں کو شدید مشکلات کا سامنا ہے۔ غم سے نڈھال غریب خاندان اور اہل علاقہ نے وزیر اعلیٰ پنجاب اور اعلیٰ حکام سے فوری نوٹس لینے کا مطالبہ کیا ہے۔ ان کا کہنا ہے کہ نہر کو چند گھنٹوں کے لیے بند کرنے کا حکم جاری کیا جائے تاکہ معصوم بچے کی ڈیڈ باڈی مل سکے اور اسے سپردِ خاک کر کے لواحقین کو صبر آ سکے۔ #foryou #foryoupage #viral ##100kviews #cleanlook

👉UsmXen👈😵‍💫

Open In TikTok:

Region: PK

Monday 20 July 2026 07:36:45 GMT