@moneybuddykhmer: 💵ភាពក្រ និងបញ្ហាប្រាក់កាសភាគច្រើន មិនមែនមកពីអ្នករកលុយមិនពូកែ ឬមកពីព្រេងវាសនាទេ ប៉ុន្តែមកពី កង្វះចំណេះដឹងហិរញ្ញវត្ថុ និងការប្រើប្រាស់លុយខុសទម្លាប់។ បើអ្នកនៅតែបន្តទិញសម្ភារៈនិយមអួតគេ ចាយមុនសន្សំតាមក្រោយ និងអត់មានផែនការច្បាស់លាស់ទេ ទោះរកបាន 1 ម៉ឺនដុល្លារក្នុងមួយខែក៏នៅតែក្រដែរ។ ☑️មេរៀនហិរញ្ញវត្ថុផ្លាស់ប្តូរជីវិត៖ 1. បែងចែកលុយជា 2 កាបូបឱ្យដាច់ពីគ្នា កាបូបទី 1 សម្រាប់ចាយវាយប្រចាំថ្ងៃ និងកាបូបទី ២ សម្រាប់វិនិយោគបង្កើតទ្រព្យ។ អ្នកមានពិតប្រាកដមិនដែលយកលុយទាំងអស់ទៅចាយទេ គេតែងដកកាបូបទី ២ ទុកឱ្យវាកើតកូនកើតចៅ។ 2. ដកសន្សំមុន ចាត់ទុកប្រាក់សន្សំជាវិក្កយបត្រត្រូវតែបង់ ពេលលុយខែចូលដៃភ្លាម ដក 10% ទៅ 20% ចូលកាបូបទី 2 ភ្លាម! កុំរង់ចាំសល់ចុងខែចាំសន្សំ ព្រោះវានឹងមិនដែលសល់ឡើយ។ លុយ គឺជារបស់ទិញសេរីភាព និងពេលវេលា មិនមែនទិញបំណុលមកដាក់ខ្លួនទេ។ 3. កាបូបទី 2 ត្រូវតែឈ្នះអតិផរណា បើសន្សំទុកក្រោមពូក ឬទុកក្នុងកុងធនាគារការប្រាក់ទាប លុយរបស់អ្នកនឹងថយតម្លៃដោយសារទំនិញកាន់តែថ្លៃ។ គោលដៅកាបូបទី 2 គឺត្រូវយកទៅវិនិយោគឱ្យបានផលតបស្នងចន្លោះ 6% ទៅ 8% ក្នុងមួយឆ្នាំ ដូចជា វិនិយោគលើមូលនិធិសន្ទស្សន៍ S&P 500 ឬភាគហ៊ុនរឹងមាំ។ 4. ឈប់ចំណាយលុយទិញការចាប់អារម្មណ៍ពីអ្នកដទៃ មនុស្សភាគច្រើនមើលឃើញតែសំបកក្រៅ។ ពេលអ្នកជិះឡានទំនើប គ្មាននរណាសរសើរអ្នកទេ គេគ្រាន់តែស្រមៃចង់ជិះខ្លួនឯងប៉ុណ្ណោះ។ កុំទិញរបស់ថ្លៃៗដើម្បីអួតមនុស្សដែលមិនដែលខ្វល់ពីអ្នក។ អ្នកមានស្តុកស្តម្ភពិតប្រាកដ តែងរស់នៅស្ងប់ស្ងាត់ មានលុយបម្រុង និងមានសេរីភាពផ្លូវចិត្ត។ 5. ចៀសវាងបំណុលអាក្រក់ កុំប្រញាប់បង្កើតបំណុលធំដូចជាទិញផ្ទះ ឬខុនដូហួសសមត្ថភាព ព្រោះបំណុលទាំងនេះ អាចចងជើងអ្នក មិនឱ្យមានឱកាសយកលុយទៅវិនិយោគលើអ្វីផ្សេងដែលចំណេញជាង។ ✔️ឧទាហរណ៍៖ សាកស្រមៃមើល បើអ្នកកាត់បន្ថយការដើរលេង ឬទិញរបស់មិនចាំបាច់ ហើយដកលុយ $100 ក្នុងមួយខែ យកទៅវិនិយោគជាទៀងទាត់ ទទួលបានផលចំណេញមធ្យម 10% ក្នុងមួយឆ្នាំ។ រយៈពេល ១០ ឆ្នាំ លុយដើមអ្នកដាក់ចូលសរុប $12,000 ➔ លទ្ធផលសរុបរួមទាំងការប្រាក់គឺប្រហែល $20,480 រយៈពេល ២០ ឆ្នាំ លុយដើមអ្នកដាក់ចូលសរុប $24,000 ➔ លទ្ធផលសរុបរួមទាំងការប្រាក់គឺប្រហែល $75,930 រយៈពេល ៣០ ឆ្នាំ លុយដើមអ្នកដាក់ចូលសរុប $36,000 ➔ លទ្ធផលសរុបកើនឡើងដល់ទៅប្រហែល $226,000! ✔️ហេតុអ្វីបានជាលុយដើម $36,000 ក្លាយជាជាង ២ រយពាន់ដុល្លារ? លុយដែលលើសជិត $190,000 នោះ គឺបានមកពី "ការប្រាក់ផ្គួប និងពេលវេលា ការប្រាក់ឆ្នាំទី ១ បង្កើតការប្រាក់ថ្មីក្នុងឆ្នាំទី ២ រមៀលដូចកូនបាល់ព្រិលធ្លាក់ពីលើភ្នំ។ ☑️នេះគឺជា ៤ ជំហានអនុវត្តភ្លាមៗដើម្បីសេរីភាពហិរញ្ញវត្ថុ 1. ជំហានទី 1 កំណត់កញ្ចប់លុយ បើកកុងធនាគារមួយទៀតដែលគ្មានកាត ATM ហើយដាក់ឈ្មោះថា "កុងវិនិយោគ"។ 2. ជំហានទី 2 វិនិយោគឱ្យខ្លួនឯងមុន កំណត់ការផ្ទេរប្រាក់ស្វ័យប្រវត្តិ ចំនួន $50 ឬ $100 រៀងរាល់ថ្ងៃបើកប្រាក់ខែ ចូលទៅក្នុងកុងវិនិយោគនោះ។ 3. ជំហានទី 3 បែងចែកហានិភ័យ យកលុយក្នុងកុងវិនិយោគទៅដាក់ក្នុងទ្រព្យសកម្មសុវត្ថិភាពខ្ពស់ និងរឹងមាំ ដូចជា មាស, ភាគហ៊ុនធំៗ, ឬមូលនិធិវិនិយោគ ជារៀងរាល់ខែ ដោយមិនបាច់ខ្វល់ថា ទីផ្សារឡើង ឬចុះឡើយ។ 4. ជំហានទី 4 រក្សាវិន័យរយៈពេលវែង ទុកឱ្យពេលវេលាធ្វើការងាររបស់វា រក្សាវិន័យបែបនេះឱ្យបាន 10 ទៅ 20 ឆ្នាំ អ្នកនឹងភ្ញាក់ផ្អើលជាមួយនឹងទ្រព្យសម្បត្តិដែលអ្នកបង្កើតបានដោយមិនដឹងខ្លួន។ 💬 អរគុណអ្នកទាំងអ្នកអស់គ្នា ដែលតែងតែគាំទ្រ Money Buddy មករហូត! សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា! 💚 ❕ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។ #Educational #Moneybuddy #Cambodia #foryouシ

Money Buddy

Open In TikTok:

Region: KH

Monday 20 July 2026 08:12:31 GMT