@malikarslanphularwan: تحریر: ملک ارسلان احمد پھلروان ⚠️۔ محترم غیور اہلیانِ گاؤں 98/9۔ایل لکاں والا، السلام علیکم!ہمارے بچے، ہمارے بھائی اور ہماری نوجوان نسل ہمارا سب سے قیمتی سرمایہ ہیں۔ لیکن کچھ ضمیر فروش اور جرائم پیشہ عناصر ہمارے پرامن گاؤں میں منشیات کا زہر پھیلا کر ہماری نسلوں کو تباہ کر رہے ہیں۔ ان کے اس مکروہ دھندے کو جڑ سے اکھاڑنا اب ہم سب کا فرض ہے۔بہت سے لوگ منشیات فروشوں کے خلاف پولیس یا دیگر قانون نافذ کرنے والے اداروں CNF پنجاب وغیرہ کو بتانے سے صرف اس لیے کتراتے ہیں کہ کہیں ان کا نام ظاہر نہ ہو جائے یا دشمنی نہ بن جائے یا پھر معاشرے میں عام طور پر "مخبری" یا "چغلی" کو ایک منفی صفت سمجھا جاتا ہے، لیکن جب بات ملک اور قوم کے مستقبل کی ہو، تو یہ تصور بالکل بدل جاتا ہے۔ ▪️۔ مخبری اور حب الوطنی: ایک اہم سماجی فرق ہمارے معاشرے میں اکثر لوگ یہ سمجھتے ہیں کہ مخبری کرنے والے 'نسلی' یا اعلیٰ ظرف انسان نہیں ہوتے۔ عام حالات میں کسی کی ذاتی برائیوں یا کمزوریوں کو اچھالنا یقیناً ایک منفی عمل ہے، لیکن جب مقابلہ قانون پر عملداری اور جرائم کے خاتمے کا ہو، تو مخبری کا تصور بالکل مختلف ہو جاتا ہے۔ خاص طور پر منشیات فروشوں کے خلاف آواز اٹھانا یا ان کی اطلاع قانون نافذ کرنے والے اداروں کو دینا کسی صورت منفی مخبری نہیں، بلکہ یہ ایک عظیم قومی خدمت اور حقیقی حب الوطنی ہے۔ ▪️۔ جب کسی ملک کا دشمن براہِ راست جنگ میں ناکام ہو جاتا ہے، تو وہ "ففتھ جنریشن وارفیئر" (5th Generation Warfare) کے ذریعے نسلوں کو ذہنی اور جسمانی طور پر معذور بنانے کے لیے اس ملک کے لالچی اور ضمیر فروش لوگوں کے ساتھ مل کر منشیا.ت کے ز.ہر کا سہارا لیتا ہے۔ ایسے ملک دشمن عناصر کو بے نقاب کرنا کسی کی جاسوسی کرنا نہیں، بلکہ اپنے وطن کو ایک کینسر سے نجات دلانا ہے۔جو شخص اپنی جان خطرے میں ڈال کر ایسے جرائم پیشہ افراد کی مخبری کرتا ہے، وہ بزدل یا کم ظرف نہیں ہوتا۔ وہ دراصل ایک سچا محبِ وطن اور 'نسلی' بندہ ہے، جس کے دل میں اپنی مٹی اور اپنی نسلوں کے تحفظ کا درد ہوتا ہے۔ وہ ذاتی مفاد پر قومی مفاد کو ترجیح دیتا ہے۔لہٰذا، معاشرے کو یہ شعور بیدار کرنے کی ضرورت ہے کہ ملک دشمنوں اور نسلیں تباہ کرنے والوں کو بے نقاب کرنا جرم نہیں، بلکہ ایک معزز اور غیرت مند شہری ہونے کا ثبوت ہے۔ ▪️.اب ڈرنے کی بالکل ضرورت نہیں ہم سب نے مل کر ایک قوم بن کر قانون نافذ کرنے والے اداروں کا ساتھ دینا ہے! ڈی پی او (DPO) ساہیوال جناب محمد عثمان ٹیپو صاحب نے منشیات فروشوں کے بارے اطلاع دینے کے لیے اپنا مخصوص نمبر " [0307.6777759] " آپ کی حفاظت اور سکون کے لیے سوشل میڈیا پر دیا ہے۔🤫 آپ کا نام اور شناخت سو فیصد خفیہ رہے گی!نام بتانے کی کوئی ضرورت نہیں: جب آپ ڈی پی او (DPO) کے نمبر پر رابطہ کریں، تو آپ کو اپنا نام، ولدیت یا پتہ بتانے کی سرے سے کوئی ضرورت نہیں ہے۔ بس منشیات کی جگہ یا بندے کی معلومات شیئر کریں۔ ▪️۔🕵️♂️ پولیس کی خفیہ اور صبر آزما کارروائی:آپ کی دی گئی اطلاع پر پولیس فوراً متحرک ہو جاتی ہے،اور وہ منشیات فروش ہمیشہ کے لیے قانون نافذ کرنے والے اداروں کے نوٹس میں آجاتا ہے۔چونکہ مجرموں کو کڑی سزا دلوانے کے لیے انہیں رنگے ہاتھوں پکڑنا ہوتا ہے، اس لیے پولیس اپنے خاص اور خفیہ طریقوں سے تفتیش کرتی ہے۔ اس عمل میں کچھ دن، چند ہفتے یا مہینے بھی لگ سکتے ہیں۔ پولیس اپنا کام خاموشی سے جاری رکھتی ہے، اس لیے آپ نے حوصلہ رکھنا ہے۔ ▪️🤝 قانون نافذ کرنیوالے والے اداروں کو آپ سے کیا تعاون چاہیے؟ اپنے گلی محلوں اور مشکوک لوگوں کی نقل و حرکت پر نظر رکھیں۔شرافت کے لبادے میں چھپے سہولت کاروں کو پہچانیں: کچھ منشیات فروش خود کو بچانے کے لیے ایسے لوگوں کے گھروں یا ڈیروں پر منشیات چھپاتے ہیں جو بظاہر معزز بنتے ہیں اور جن پر کوئی شک نہیں کرتا۔ یاد رکھیں! ایسے لوگ بھی برابر کے مجرم ہیں۔ ان کی بر وقت اطلاع دیں۔فوراً اطلاع دیں: جیسے ہی آپ کو کسی بھی مشکوک سرگرمی کا پتہ چلے، بغیر کسی خوف کے فوراً ڈی پی او ساہیوال کے نمبر پر میسج یا کال کریں۔آپ کی ایک گمنام کال یا میسج کسی کا گھر اجڑنے سے بچا سکتا ہے اور ہمارے پورے گاؤں کو اس لعنت سے پاک کر سکتا ہے۔ خاموشی مجرم کا ساتھ دینے کے برابر ہے۔ آگے بڑھیں اور ایک ذمہ دار شہری ہونے کا ثبوت دیں۔📞 ڈی پی او ساہیوال کا مخصوص نمبر: [0307.6777759](آپ اس نمبر پر کال یا میسج کر سکتے ہیں) ▪️ منشیات فروشوں کے خلاف فوری کارروائی کے لیے کاؤنٹر نارکوٹکس فورس (CNF) کے ہیلپ لائن نمبر 1012 پر بھی اطلاع دیں۔آپ کی دی گئی معلومات پر بروقت اور فوری کارروائی کی جائے گی، اور قانون کے مطابق آپ کا نام اور شناخت مکمل طور پر صیغہ راز میں رکھی جائے گی۔ #RPOSahiwal #DPOSahiwal #CNFPunjab https://www.facebook.com/share/p/14i9iEWyxp9/
