@9haidr: ُاودُّ تَقبيلَكَ أمامَ مَن يُريدُكَ . . #tiktok #1millionaudition #fyp #foryou

rabwj :

:مو كل شخص يدخل حياتنا يكون عابر… أكو ناس يدخلون ويغيرون كل تفاصيل حياتنا. بعمر 17 سنة، دخلت حياتي إنسانة كانت أول حب بحياتي. كانت أول شخص يسويلي عيد ميلاد، وهاي الذكرى بقت بقلبي. وبعد عيد ميلادي رسمت إلها رسمة، وما كنت أعرف إن هاي الرسمة راح تبقى شاهدة على مرحلة كاملة من حياتي. بسببها تغيرت هواية… اهتميت بدراستي، بنفسي، بشعري، بوجهي، وبكل تفاصيل حياتي. حبي إلها خلاني أريد أصير أفضل. كانت أيامها فرح، وما كنت أعرف معنى الحزن. بس الأيام تغيرت… صارت مشاكل، فراق ورجوع. كل مرة ترجع الفرحة، وكل مرة تروح يرجع التعب والحزن والتفكير. لحد ما وصلنا لليوم اللي انتهى بيه كلشي… 11/4/2022 بشهر رمضان، كان يوم انفصالنا النهائي. بعدها حسّيت كأني خسرت كلشي، تركت دراستي، وهملت نفسي، وعشت فترة صعبة ما يعرفها غيري. وبعدها صار عندي حادث، وسويت عملية. وبعد ما تحسنت صارت مشاكل طبية واضطريت أسوي عملية ثانية. دخلت ببنج عام، ومن تأثير المخدر صرت أهلوّس وأصيح وأبچي من التعب والوجع. بس الوجع الأكبر ما كان بالعملية… كان بإحساسي إني أمر بكل هذا، والشخص اللي كنت أتمنى يكون وياي ما كان موجود. حاولت أوصل، حاولت أتواصل، بس ما صار نصيب. وبقينا كل واحد بطريقه. وبعد كل هالسنين، بقت هاي الرسمة… ورقة رسمتها بعمر 18 سنة، بس حملت بداخلها عمر كامل من الذكريات. يمكن الأشخاص يروحون، بس بعض الذكريات تبقى مرسومة بالقلب قبل الورق. 💔