@wafaa.a.horakli: مربى مشمش طبيعي بدون سكر أبيض 😍 تابعوني إذا أول مرة بتشوفوا حسابي 🌺 اليوم رح شارككم أطيب طريقة لمربى المشمش، بطعم فريش ولذيذ، ومحضّرة بدون سكر أبيض. وصفة سهلة، طبيعية، وبتحافظ على نكهة المشمش الرائعة بكل لقمة 👌❤️ المقادير: * كيلو ونصف مشمش مستوي وحلو، منزوع البذر * حبة تفاح كبيرة مستوية، مبشورة * 3 ملاعق طعام مُحلّي مونك فروت أو ستيفيا (اختياري) * 3 ملاعق طعام عصير ليمون * لوز مسلوق، مقشّر، ومنشّف منيح من السوائل (اختياري) طريقة التحضير: * بضيف التفاح المبشور فوق حبات المشمش. * بضيف المُحلّي وعصير الليمون، وبخلط كل المكونات مع بعض. * بترك المشمش لمدة ساعة حتى ينزل عصارته الطبيعية. * بعد ساعة، برفعه على الغاز على نار متوسطة حتى يبدأ يغلي وينزل كل السوائل. * أول ما يطرى المشمش، بوطي النار، وبتركه ينطبخ بهدوء. * بعد حوالي 40 دقيقة، بعمل اختبار المربى: بحط شوي منها على صحن بارد، وبتركها دقيقة، وبمرر إصبعي بالنص. إذا ظل الخط مفتوح وما رجعت المربى سكّرته، معناها صارت جاهزة. * إذا حبيتوا، بهالمرحلة بتضيفوا اللوز المقشّر وبتتركوه يغلي مع المربى دقيقتين أو ثلاث. * أول ما تستوي، بصبّها مباشرة بمرطبانات معقمة وساخنة، وبسكرها فورًا بإحكام. طريقة حفظ المربى: لأن هالمربى محضّرة بدون سكر أبيض، فطريقة حفظها بتختلف عن المربى التقليدية. بعد ما نعبّيها بمرطبانات معقمة ونتركها تبرد، منحفظها بالبراد، وبتبقى طيبة لمدة شهر إلى شهرين إذا ظلّ المرطبان مسكّر. وبعد الفتح، يُفضّل استهلاكها خلال 7–14 يوم مع استخدام ملعقة نظيفة وجافة بكل مرة. وإذا حابين تحفظوها لفترة أطول، فيكم تقسّموها بمرطبانات صغيرة وتحفظوها بالفريزر لعدة أشهر. بتمنى تجربوها وتعجبكم، وألف صحة وهنا على قلبكم. 🌺🌺🌺 #مربى #حلويات #اكسبلورexplore #وصفات_صحية #مربى_مشمش

Wafaa.A.Horakli

Open In TikTok:

Region: TR

Monday 20 July 2026 17:07:10 GMT