/ڕاگه‌هاندن رێڤەبەرییا خۆبەخشینێ (مديرية التطوع) رادگەهینیت کو دەرگەهێ پێشکێشکرنێ بۆ خۆلا سێزدێ یا پەیمانگەها ئامادەکرنا کۆمیسەرێن پولیسی (تەنێ بۆ رەگەزێ نێر) ل سەر لینکێ (Moi.gov.iq) هاتییە ڤەکرن، بۆ وان کەسێن دخوازن خۆ پێشکێش بکەن ل دویڤ مەرج و رێسایێن خوارێ: ل دویڤ ماددێ (١١) ژ یاسایا پەیمانگەها ناڤبری یا ژمارە (٢١) یا سالا ٢٠٢٣، دەرچوویێن قوناغا ناڤنجی (متوسطة) بۆ سالێن (٢٠٢٢-٢٠٢٣)، (٢٠٢٣-٢٠٢٤)، (٢٠٢٤-٢٠٢٥) و (٢٠٢٥-٢٠٢٦) ژ هەمی پارێزگەهان - ژبلی پارێزگەهێن هەرێما کوردستانێ، لێ کارمەندێن وەزارەتا مە یێن ئاکنجیێ هەرێما کوردستانێ دکارن پێشکێش بکەن. دەمێ پێشکێشکرنێ (٧) حەفت رۆژە، ژ رۆژا (٢٠٢٦/٧/٢١) هەتا (٢٠٢٦/٧/٢٧). ئێکەم: مەرج و رێسایێن یاسایی یێن پێدڤی بۆ پێشکێشکرنێ ١. عیراقی بیت و ژ دایک و بابێن عیراقی ل ژدایکبووی بیت. ٢. ب کێمی باوەرناما ناڤنجی (متوسطة) هەبیت. ٣. تەمەنێ وی ژ (١٦) سالی کێمتر نەبیت و ژ (٢١) سالی پتر نەبیت (بۆ وەلاتیێن سڤیل). (کارمەندێن هێزێن ناڤخۆ دکارن ب تەمەنێ (٢٣) سالی ژی پێشکێش بکەن ژ رۆژا ڤەکرنا راگەهاندنێ). ٤. د پشکنیینا تەندروستی و ئەزموونێن دیارکری دا سەرکەفتی بیت. ٥. بلنداهیا وی (١٦٠ سم) یان پتر بیت و دۆرێ سنگێ وی (٧٠ سم) یان پتر بیت. ٦. خودان رەوشتەکێ جوان بیت و چ تاوانێن نە سیاسی یان گونەهێن بێ رێزیێ ل دژی نەهاتبنە تۆمارکرن. ٧. پشتی قەبیلکرنێ، قوتابی دڤێت کەفالەتەکا دارایی پێشکێش بکەت ئەگەر ژ پەیمانگەهێ هاتە دەرئێخستن یان پابەند نەبوو ب: أ. ب دوماهیک ئینانا خواندنێ ل پەیمانگەهێ. ب. خزمەتکرن پشتى دەرچوونێ بۆ ده‌مێ (٦) سالان. ٨. ئەگەر قوتابی د ماوێ (١٥) رۆژان دا پشتى راگەهاندنا ناڤێ وی، پابەندبوونا خۆ پێشکێش نەکەت، قەبیلکرنا وی دهێتە هەلوەشاندن. ٩. تێکڕایا نمرێن (معدل) یێن پێشکێشکرنێ ژ (٦٥٪) کێمتر نەبیت (ژبلی زارۆکێن ئەفسەر و کارمەندان). ١٠. قوتابیێ هاتییە قەبیلکرن دڤێت سۆزێ بدەت کو ل هەمی پارچەیێن عیراقێ و هەمی بەشێن وەزارەتا ناڤخۆ کار بکەت. ١١. زارۆکێن شەهیدان دڤێت پشتراستکرنەکێ ژ ئالیێ دەزگەهێ شەهیدان یان رێڤەبەرییا شەهید و برینداران ل وەزارەتا ناڤخۆ بینن. ١٢. زارۆکێن ئەفسەرێن بەردەوام یان خانەنشین و کارمەندێن بەردەوام، دڤێت پشتراستکرنێ بینن، و پێڤەرا جوداهیێ ل دەف وان "قەدەمێ سەربازی" یێ بابێن وانە، نە نمرێن خواندنێ. ١٣. رێژەیا (٣٪) بۆ زارۆکێن کارمەندێن کولیژا پولیسی و پاشکۆیێن وێ دهێتە تەرخانکرن. دووەم: رێژەیێن ئاکنجیبوونێ دێ پشتبەستن ل سەر رێژەیێن ئاکنجیبوونا پارێزگەهان بۆ سالا (٢٠٢٥) هێتە کرن، ل دویڤ نامەیا وەزارەتا پلاندانانێ یا ژمارە (٣٨٤٨/١/١/٣/١) ل (٢٠٢٦/٦/٨) Moi.gov.iq #dalevakari #دهوك_زاخو_سليماني_ئاكري_ئامیدی_هولیر - @dalevakari