@sajjadali7543: الحمد لله رب العالمين اڄ منهنجي پياري بابا سائين، مرحوم و مغفور محمد هاشم رند رحمةُ الله عليه جو چاليهو الله پاڪ جي فضل، ڪرم ۽ رحمت سان خير و عافيت سان مڪمل ٿيو. پر دل اڄ به اهو مڃڻ لاءِ تيار ناهي ته جنهن شخص جي موجودگي سان اسان جي گهر جون ديوارون به زنده محسوس ٿينديون هيون، اڄ اهو اسان جي وچ ۾ موجود ناهي. وقت گذري رهيو آهي، ڏينهن بدلجي رهيا آهن، پر بابا سائين جي محبت، شفقت، مسڪراهٽ، نصيحتون ۽ سندن يادون اڄ به هر گهڙي اسان جي دلين ۾ زنده آهن. گهر جو هر ڪنڊ، هر وٿاڻ ۽ هر شيءِ اڄ به بابا سائين جي ياد ڏياريندي آهي. الله پاڪ جي بارگاهه ۾ هٿ کڻي عاجزاڻي دعا آهي ته هن روح پرور مجلس، قرآن پاڪ جي تلاوت، ذڪر، درود پاڪ، نعت، مولود، دعا ۽ خيرات جي هر هڪ داڻي جو بي حساب اجر ۽ ثواب منهنجي بابا سائين جي پاڪ روح کي عطا فرمائي. يا الله! سندن قبر کي جنت جي باغن مان هڪ باغ بڻاءِ، قبر جي هر تنگي کي آسانيءَ ۾ بدلائي ڇڏ، سندن هر لغزش کي پنهنجي بي پناهه رحمت سان معاف فرماءِ، سندن درجات بلند کان بلند تر فرماءِ ۽ کين جنت الفردوس ۾ پنهنجي محبوبن جي پاڙيسري بڻاءِ. آمين يا رب العالمين. هن نوراني مجلس ۾ محترم مولانا منور علي طاهري صاحب نهايت دل سوز ۽ ايمان افروز خطاب فرمايو، جڏهن ته نعت خواں وڪيل احمد پنهور صاحب حضور اڪرم ﷺ جي شان ۾ اهڙيون محبت ڀريون نعتون، بابا سائين جي ياد ۾ اهڙا درد ڀريا غزل ۽ روح پرور مولود پيش ڪيا، جو محفل ۾ ويٺل ڪيترين ئي اکين مان بي اختيار لڙڪ وهي نڪتا. هر دل بابا سائين جي ياد ۾ ڀرجي آئي ۽ هر زبان سندن مغفرت لاءِ دعاگو بڻجي وئي. اسان جي گهر تشريف آڻيندڙ سڀني ڀاتين، عزيزن، دوستن، مٽن مائٽن، پاڙيسرين ۽ انهن سڀني مهربان ماڻهن جا دل جي گهراين سان ٿورائتا آهيون، جن پنهنجي مصروفيتن مان وقت ڪڍي اسان جي ڏک کي پنهنجو ڏک سمجهيو، بابا سائين لاءِ فاتحه پڙهي، دعا ڪئي ۽ ايصالِ ثواب ۾ شريڪ ٿيا. توهان سڀني جي محبت، همدردي ۽ دعائن اسان جي زخميل دلين کي سهارو ڏنو، جنهن جو احسان اسين زندگي ڀر وساري نه سگهنداسين. آخر ۾ وري پنهنجي ربِ ڪريم جي حضور ۾ التجا آهي: يا الله! هن مجلس، هن چاليهي ۽ هن خيرات جي هر نيڪ عمل، هر دعا، هر تلاوت، هر درود ۽ هر هڪ داڻي جو ثواب منهنجي بابا سائين مرحوم و مغفور محمد هاشم رند رحمةُ الله عليه جي پاڪ روح کي عطا فرماءِ. سندن قبر کي نور سان منور فرماءِ، حساب کي آسان فرماءِ، جنت الفردوس ۾ اعليٰ کان اعليٰ مقام عطا فرماءِ، ۽ قيامت جي ڏينهن کين پنهنجي محبوب ﷺ جي شفاعت نصيب فرماءِ. آمين يا رب العالمين.