@shopwthren: بنات بما إننا قاعدين نجهز للجامعة والدوامات، قلت أشارككم أفضل التوت باغز من تجربتي الشخصية، والي فعلاً كرفتها وأقدر أنصح فيها 🤍 ١. LV On The Go، ١٠/١٠ بدون مبالغة هذي أكثر شنطة كرفتها بحياتي. مرة مريحة، تشيل كل شي، وأحلى شي إنها تجي بستربين، تقدرين تشيلينها على الكتف أو باليد. غير إنها أنيقة وتضبط مع أي لوك، سواء دوام أو جامعة أو حتى سفر. ٢. قويارد، ١٠/١٠ المعرف لا يعرف شنط قويارد 🤍. أنيقة، خفيفة، وتشيل بشكل مو طبيعي. الشي الوحيد اللي ما أحبه فيها إنها ما فيها هيكل، فأحيانًا أحس أغراضي صايرة بكل مكان. غير كذا؟ أعشقها. ٣. LV Neverfull، ٩.٥/١٠ خصوصًا بهذا الجلد، تجنن مرة. شكلها راقي وتعيش سنين، وتشيل كل اللي تحتاجينه. بس إذا عبيتيها زيادة تصير شوي ثقيلة، وهذا أكثر شي ألاحظته فيها. ٤. Loup Noir، ٨/١٠ بصراحة؟ مو ذوقي وما أحب الماركة كثير، بس أعرف بنات كثير يعشقونها ويمدحونها. فإذا ستايلها يعجبك أتفهم ليش عليها هالضجة. ٥. Longchamp، ٨.٥/١٠ حلوة، عملية، وتشيل، وأحب إنها بسحاب. أحسها ممتازة للجامعة والسفر، بس بالنسبة لي ما ألبسها كثير، ما تعطيني الإحساس الكشخة اللي أحب. ٦. Chanel Tote، ٩.٥/١٠ مرة حبيتها لأنها مختلفة، مو مكررة، وتعطي لوك مرتب وكأنه بدون مجهود. تشيل، عملية، وتحسين اللي لابستها فعلًا عندها ستايل، تعطي طاقة it girl بكل معنى الكلمة ✨ الحين دوركم، وش أكثر توت باغ كرفتوه وتحسون يستاهل كل ريال؟ #توت_باق #قبول_الجامعات #لوب_نوار #شنطة_الجامعة

shopwthren

Open In TikTok:

Region: SA

Monday 20 July 2026 21:07:10 GMT