@abenezereabageda: አቤቱ የዘመናት ንጉሥ፣ የብርሃን ጌታና የፍጥረት ሁሉ ፈጣሪ የሆንክ ታላቁ አምላክ ሆይ፤ ሌሊቱን በሰላም አሳልፈህ፣ የሞትን ጥላ ገፈህ ይህንን ውብና አዲስ የብርሃን ቀን ስላሳየኸኝ ስምህ ከዘላለም እስከ ዘላለም የተመሰገነ ይሁን። ጌታ ሆይ፣ ምህረትህ ማለዳ ማለዳ አዲስ ነውና፣ ዛሬም በአዲስ ጸጋና ቸርነት ስለጎበኘኸኝ፤ የሕይወት እስትንፋስን ሰጥተህ ጤናዬን መልሰህ ስላቆምከኝ በቅዱስ ዙፋንህ ፊት በታላቅ አክብሮት እሰግዳለሁ። የዛሬን ፀሐይ እንዳይ ፈቅደሃልና እናመሰግንሃለን።አባቴ ሆይ፤ በዚህ ማለዳ ራሴን በፊትህ ዝቅ አደርጋለሁ። ባለፈው ጊዜዬ በሀሳብ፣ በቃልም ሆነ በድርጊት አንተን ያሳዘንኩበት፣ መንፈስህን ያስከፋሁበትና ከፈቃድህ የወጣሁበት ማናቸውም ስህተት ቢኖር፤ በልጅህ በኢየሱስ ክርስቶስ ክቡር ደም አጥበህ እንድታነጻኝ እማጸንሃለሁ። ልቤን አድሰው፣ ህሊናዬን ከክስ ነጻ አውጣው፤ ዛሬ ቀኑን ሙሉ አንተን ብቻ ደስ በሚያሰኝ ቅድስናና እውነት እንድመላለስ መንፈስ ቅዱስህ ይርዳኝ።ይህንን ዛሬ የተቀበልኩትን አዲስ የህይወት ገጽ ሙሉ በሙሉ በፊትህ አደራ እሰጣለሁ። ዛሬ በምወጣበትና በምገባበት፣ በምሰራው ስራና በምናገረው ቃል ሁሉ አንተው ፊት ፊት ቀድመኸኝ ውጣ። እርምጃዬን በቃልህ ምራ፤ ጆሮዬን ለድምጽህ፣ አይኔንም ለክብርህ የተከፈተ አድርገው። የሰማዩ በረከትህ በምድራዊ ውሎዬ ላይ ይፍሰስ። ዛሬ የምገናኛቸውን ሰዎች ሁሉ እንድባርክ፣ የሰላምህና የፍቅርህ መገለጫ (ቧንቧ) እንድሆን አቅም ስጠኝ። በእያንዳንዱ ማይክሮ ሰከንድ በአንተ ህልውና ውስጥ ልሰወር።በዚህ ቀን በእኔ፣ በቤተሰቤ፣ በሀገሬ፣ በምድራችንና በምሰራው ስራ ላይ የተመደበውን ማንኛውንም የጨለማ አሰራር፣ የክፉ ሰው ሴራ፣ የጥፋት አጀንዳና የጠላት ወጥመድ በናዝሬቱ በኢየሱስ ክርስቶስ ስም አፈርሳለሁ! ማደሪያዬንና እኛነቴን በክቡር ደምህ ከልለው። ቅዱሳን መላእክትህ በቀኜና በግራዬ ቆመው ይጠብቁኝ፤ ከሚታይና ከማይታይ አደጋ ሁሉ ይሰውሩኝ። ቀኑን የድል፣ የተአምራትና የፍጹም ሰላም ቀን አድርግልኝ።ጌታ ሆይ፤ አንተ ከእኔ ጋር ስለሆንክ አንዳች አይጎድልብኝም፣ ማዕበሉንም አልፈራም። ጸሎቴን ሰምተህ፣ የልቤን ጩኸት አድምጠህ በምህረትህ ስለምትመልስልኝ ከልብ አመሰግንሃለሁ። ይህንን ጸሎትና ልመና ሁሉ አዳኜ፣ ታዳጊዬና የሕይወቴ ራስ በሆነው፣ በጌታዬ በኢየሱስ ክርስቶስ ህያውና ቅዱስ ስም አቀረብኩ፤ አሜን!!

Abenezere Abageda

Open In TikTok:

Region: ZA

Tuesday 21 July 2026 04:24:08 GMT