@cumar.seerbiya: Waayadan dambe waxaan dhugmo u lahaa, taariikhda, halgan-nololeed, daacinimo, qoraannimo iyo doorkii diinfaafineed ee uu lahaa Sheekh Axmed Xuseen Diidaat (1918-2005). Sheekh Axmed wuxuu ku dhashay dalka Hindiya balse wuxuu ku barbaaray Koonfur-Afrika, wuxuu ahaa nin xikmad badan, dedaalna ku bixiyey inuu wax-isbaro ka dibna cilmigii uu bartay sii-faafiyo. Waxaan akhriyey sidoo kalena aan daawaday ku dhawaad 20 mawduuc oo kala duwan oo uu waxkaqoray, ka soo jeediyey doodo, naqdin iyo weliba muxaadarooyin soo jiitay dadkii dhagaysanayey, oo qaarkood ay aragti ahaan aad u kala fogaayeen amaba caqiido ahaan ay kala duwanaayeen. Buugaagta uu qoray Axmed waxa ka mid ah: What the Bible Says About Muhammad (1979), Crucifixion or Cruci-Fiction? (1984), and The Choice: Islam and Christianity (1993). Waxyaabaha cajiibka ah ee aan arkay intaan akhrinayey wax-soosaarkiisii Cilmi, waxa ka mid ahaa sida qotodadheer ee uu y faaqidi jiray dhammaan doodaha ay qabaan dadka kala caqiidooyinka ah, iyo xaqiiqooyinka ay tahay in layskugu-biyoshubto. Markii koowaad ee aan maqlo sheekhan waxay maalinkii uu geeriyooday, 8-da bishii Ogoosto 2005, oo Cabdilaahi Xaaji uu taariikhdiisa wax ka mid ah ka sheego BBC-Soomaali. Alle ha janneeyo.

Cumar Seerbiya

Open In TikTok:

Region: IE

Tuesday 21 July 2026 05:25:39 GMT