ਹਰਿ ਜੀਉ ਨਿਮਾਣਿਆ ਤੂ ਮਾਣੁ ॥ ਇੱਕੋ ਘਟਨਾ ਦੇ ਦੋ ਵੱਖ ਵੱਖ ਰੰਗ ਹਨ - ਧਰਮ ਕਹਿੰਦਾ ਹੈ ਕੇ ਨਿਆਂ ਤੇ ਦਯਾ ਕਰੋ, ਜੁਲਮ ਦਾ ਸ਼ਿਕਾਰ ਹੋ ਰਹੇ ਅਤੇ ਸ਼ਰਨ ਆਉਣ ਵਾਲਿਆਂ ਲਈ ਦਰਵਾਜੇ ਖੋਲੋ, ਪੀੜ੍ਹਤ ਲੋਕਾਂ ਨਾਲ ਖੜ੍ਹੇ ਹੋਣਾ ਹੀ ਧਰਮ ਹੈ ਦਿੱਲ੍ਹੀ ਵਿਚ ਸਰਕਾਰ ਖਿਲਾਫ ਧਰਨਾ ਲਗਾ ਰਹੇ ਬੱਚੇ ਕਿਸੇ ਵੀ ਪਾਰਟੀ ਜਾਂ ਧਿਰ ਦੇ ਸਨ ਪਰ ਹੈਗੇ ਤਾਂ ਪੀੜ੍ਹਤ ਹੀ ਸਨ, ਦੂਸਰੇ ਪਾਸੇ ਇਹਨਾਂ ਨੂੰ ਕੁੱਟਣ ਵਾਲੀ ਸਰਕਾਰ ਖੁੱਦ ਨੂੰ ਹਿੰਦੂ ਧਰਮ ਦੀ ਲੰਬੜਦਾਰ ਮੰਨਦੀ ਹੈ ਕੁੱਟ ਖਾ ਰਹੇ ਮਾਸੂਮ ਬੱਚੇ ਜਦੋਂ ਨਾਲ ਦੇ ਮੰਦਰ ਵੱਲ ਗਏ ਤਾਂ ਮੰਦਿਰ ਪ੍ਰਬੰਧਕਾਂ ਨੇ ਮੰਦਰ ਦੇ ਦਰਵਾਜੇ ਭੇੜ ਲਏ ਫੇਰ ਦੂਸਰੇ ਪਾਸੇ ਗੁਰਦਵਾਰਾ ਸਾਹਿਬ ਸੀ ਜਿਸਨੇ ਇਹਨਾਂ ਬੱਚਿਆਂ ਨੂੰ ਸ਼ਰਨ ਦਿੱਤੀ ਦਿੱਲੀ ਵਿਚ ਜੰਤਰ ਮੰਤਰ ਤੇ ਜਦੋਂ ਵੀ ਧਰਨਾ ਹੁੰਦਾ ਸੀ ਤਾਂ ਧਰਨਾ ਕਾਰੀਆਂ ਨੂੰ ਲੰਗਰ ਗੁਰਦਵਾਰੇ ਤੋਂ ਹੀ ਜਾਂਦਾ ਰਿਹਾ, ਇਸੇ ਕਰਕੇ ਮੈਨੂੰ ਗੁਰਦਵਾਰਾ ਸਿਸਟਮ ਵਿਚ ਲੰਗਰ, ਧਰਮਸਾਲ ਅਤੇ ਗੋਲਕ ਹਮੇਸ਼ਾ ਚੰਗੇ ਲੱਗਦੇ ਹਨ, ਮੈਂ ਗੁਰਦਵਾਰਿਆ ਦੀ ਜਿੰਮੇਵਾਰੀ ਹਸਪਤਾਲ ਜਾਂ ਸਕੂਲ ਬਣਾਉਣਾ ਨਹੀਂ ਮੰਨਦਾ ਕਿਉਂਕਿ ਇਹ ਕੰਮ ਸਰਕਾਰਾਂ ਦੇ ਹਨ ਪਰ ਲੋਕ ਸਰਕਾਰੀ ਸੰਦ ਬਣਕੇ ਸਵਾਲ ਗੁਰਦਵਾਰੇ ਉੱਤੇ ਕਰਦੇ ਹਨ ਦੂਸਰੇ ਪਾਸੇ ਧਰਮ ਪੱਖੋਂ ਮੈਨੂੰ ਲਗਦਾ ਹੈ ਕੇ ਪੀੜ੍ਹਤ ਨੂੰ ਸ਼ਰਨ ਦੇਣਾ ਹੀ ਸਾਡਾ ਸਿਧਾਂਤ ਹੈ, ਚਾਹੇ ਉਹ ਜੁਲਮ ਦਾ ਸ਼ਿਕਾਰ ਹੋ ਰਿਹਾ ਦੁਸ਼ਮਣ ਹੀ ਕਿਉਂ ਨਾ ਹੋਵੇ, ਜਦੋਂ ਸ਼ਰਨ ਵਿਚ ਆ ਗਏ ਤਾਂ ਉਸਨੂੰ ਇਥੋਂ ਆਸ ਹੀ ਦਿਸੇਗੀ ਇਹ ਤਲਵਾਰ ਦੇ ਜ਼ੋਰ ਤੇ ਗਿਣਤੀ ਵਧਾਉਣ ਵਾਲਾ ਫਲਸਫ਼ਾ ਨਹੀਂ ਹੈ ਮੈਨੂੰ ਹੇਠਲੀ ਘਟਨਾ ਉਸੇ ਖ਼ਿਆਲ ਵੱਲ ਲੈ ਜਾਂਦੀ ਹੈ ਕੇ ਜਦੋਂ ਕਸ਼ਮੀਰ ਦੇ ਪੀੜ੍ਹਤ ਪੰਡਤ ਦਿੱਲੀ ਦਰਬਾਰ ਦੇ ਜੁਲਮ ਤੋਂ ਸ਼ਿਕਾਰ ਹੁੰਦੇ ਹੋਏ ਆਸ ਨਾਲ ਸ੍ਰੀ ਆਨੰਦਪੁਰ ਸਾਹਿਬ ਵੱਲ ਆਏ ਸਨ ਅਤੇ ਸ੍ਰੀ ਆਨੰਦਪੁਰ ਸਾਹਿਬ ਨੇ ਉਹਨਾਂ ਦੀ ਪੱਤ ਰੱਖੀ ਚਾਹੇ ਜਨੇਊ ਦਾ ਵਿਰੋਧ ਗੁਰੂ ਨਾਨਕ ਪਾਤਸ਼ਾਹ ਕਰ ਗਏ ਸਨ ਪਰ ਜਨੇਊ ਧਾਰੀਆਂ ਦੀ ਅਖੀਰ ਪੱਤ ਸ੍ਰੀ ਆਨੰਦਪੁਰ ਸਾਹਿਬ ਬੈਠੇ ਨੌਵੇਂ ਨਾਨਕ ਪਾਤਸ਼ਾਹ ਨੇ ਹੀ ਰੱਖੀ ਸਿੱਖ ਪਾਤਸਾਹੀ ਦਾ ਦਾਅਵਾ ਵੀ ਇਹੋ ਸੰਕਲਪ ਉੱਤੇ ਖੜ੍ਹਾ ਹੈ, ਮੈਨੂੰ ਇਹ ਦਿੱਲੀ ਦੇ ਵਿਚ ਬੈਠੇ ਬੱਚਿਆਂ ਦੀ ਹਾਲਤ ਹੀ ਸਿਰਫ ਅਜਿਹੀ ਨਹੀਂ ਲੱਗ ਰਹੀ ਸਗੋਂ ਪੂਰਾ ਭਾਰਤ ਅਜਿਹੇ ਹੀ ਜੁਲਮ ਦਾ ਸ਼ਿਕਾਰ ਹੈ ਅਤੇ ਅਖੀਰ ਸਾਰਿਆਂ ਨੂੰ ਇਥੇ ਹੀ ਆਉਣਾ ਪਵੇਗਾ ਮਹਾਰਾਜ ਦੀ ਕਲਾ ਵਾਪਰ ਰਹੀ ਹੈ ਨਿਮਾਣਿਆ ਦੇ ਮਾਣ, ਨਿਤਾਣਿਆ ਕੇ ਤਾਣ, ਨਿਓਟਿਆ ਕੀ ਓਟ | #studentprotest #dehli #creatorsearchinsights - @surinder_singh84