@aloore_99: Anaga oo ka tirsan qaybaha kala duwan ee bulshada, waxaan halkan uga mahadcelinaynaa mudadii uu xilka u hayay Mudane Farhan Axmed Habane, Xoghayihii Dawladda Hoose ee Boorama. Mudane Farhan wuxuu ahaa masuul lagu yaqaanay daacadnimo, hufnaan iyo ilaalinta hantida shacabka. Intii uu xilka hayay wuxuu ku dadaalay in la ilaaliyo xoolaha dadweynaha, isla markaana uu hormuud ka noqdo hagaajinta maamulka iyo dhaqaalaha Dawladda Hoose. Waxqabadkiisa waxaa ka mid ahaa inuu door muuqda ka qaato bixinta deymihii Dawladda Hoose, iyadoo la sheegay in ku dhowaad 65% deynta uu bixiyay intii uu xilka hayay. Sidoo kale, wuxuu kasbaday kalsoonida shaqaalaha iyo bulshada, kuwaas oo ka muujiyay sida ay uga xun yihiin xil-ka-qaadistiisa, maadaama ay u arkeen masuul karti, hawlkarnimo iyo daacadnimo ku suntan. Waxaan rajaynaynay in go’aamada la xidhiidha xilkiisa lagu saleeyo caddaalad, hufnaan iyo qiimaynta waxqabadkiisa. Sidaas darteed, waxaan ugu baaqaynaa masuuliyiinta ay khusayso in ay mar walba mudnaanta siiyaan kartida, daacadnimada iyo danta guud marka la gaadhayo go’aamada noocan oo kale ah. Ugu dambayn, waxaan Mudane Farhan Axmed Habane uga mahadcelinaynaa dedaalkii iyo adeegii uu u qabtay bulshada Boorama, waxaana u rajaynaynaa guul iyo horumar meel kasta oo uu mustaqbalka ka sii shaqayn doono. Mahadsanid Mudane Farhan Axmed Habane, bulshada Boorama way xasuusan doontaa adeeggaaga iyo daacadnimadaada.

aloore_99

Open In TikTok:

Region: SO

Tuesday 21 July 2026 10:45:21 GMT