@coachaliyounus: شنو يعني خمول الغدة؟ 🤔 ​تخيلي جسمج معمل كبير، والغدة الدرقية هي "مدير التشغيل". شغلته يعطي أوامر حتى الجسم يحرق طاقة ويشتغل بشكل طبيعي. 🏭⚙️ ​لما يصير هذا المدير خامل (كأنه يداوم متأخر وما يشتغل زين)، راح تحسين بـ: 📉 تعب مستمر. 🥶 تبردين بسرعة. ⚖️ وزنج يزيد بسهولة حتى لو أكلج مو هواية. 🎭 تغيرات واضحة بالمزاج. ​العلاج الأساسي اللي كلنا نعرفه هو "ليفوثيروكسين" (نفس الهرمون اللي المفروض غدتج تفرزه)، بس المشكلة مو بالحبة نفسها... المشكلة إن هواية ناس ياخذوها بطريقة تخلي مفعولها يضعف! 💊 ​اتبعي هالـ 5 خطوات حتى تضمنين أفضل نتيجة وتتخلصين من مشاكل خمول الغدة: ​1️⃣ الوقت الصح: أخذي الحبة الصبح على معدة فارغة (وانتظري ساعة قبل القهوة أو الفطور)، أو قبل النوم بشرط يكون مر 3-4 ساعات على آخر وجبة. ⏰ 2️⃣ تجنبي التعارضات: لا تاخذين (الحديد، الكالسيوم، الحليب، القهوة، أو الأكل الغني بالألياف) قريب من وقت الحبة. خلي بينهم 4 ساعات على الأقل لأنهم يقللون الامتصاص. ☕🥛 3️⃣ السيلينيوم: إذا كان سبب الخمول "هاشيموتو"، دائماً اسألي طبيبج عن مكمل السيلينيوم. 🩺 4️⃣ حذارِ من اليود: لا تاخذين مكملات اليود من نفسج، لأنها ممكن تزيد الخمول عند بعض المرضى. ❌ 5️⃣ انتبهي قبل الفحص: إذا راح تسوين تحليل للغدة، وقفي مكمل "البيوتين" قبل الفحص بيومين لأنه ممكن يطلع النتيجة غلط. 🧪 ​شاركوا البوست ويه أي شخص يعاني من خمول الغدة حتى يستفاد، واحفظوا الـ Reel حتى ترجعوله بعدين! 💾👇 #nutrition #fitnesstip #العراق

علي يونس

Open In TikTok:

Region: IQ

Tuesday 21 July 2026 14:24:30 GMT