. "အချစ်ဆိုတာ တကယ်တော့ တရားမျှတမှုမရှိတဲ့ ပြိုင်ပွဲတစ်ခုပဲ... " တစ်ယောက်က အစွမ်းကုန်ချစ်ပြနေချိန်မှာ...နောက်တစ်ယောက်ကတော့ ဘာမှမဖြစ်သလို လှည့်ထွက်သွားနိုင်တယ်... " အဲဒီကတည်းက အနိုင်အရှုံးဆိုတာ မဆုံးဖြတ်ရသေးဘဲ... တစ်ယောက်ရဲ့ ရင်ဘတ်ထဲမှာပဲ နာကျင်မှုတွေ စတင်အမြစ်တွယ်လာတာပါ... "အခုတော့ ကိုယ့်မှာ ကျန်ခဲ့တာဆိုလို့ "တစ်ဖက်သတ် လွမ်းခွင့်" ဆိုတဲ့ အခွင့်အရေးလေးတစ်ခုပဲ... "မင်းရဲ့ နေ့ရက်တွေထဲမှာ ကိုယ်ဟာ ဖျောက်ဖျက်လို့ရတဲ့ မှင်စက်လေးတစ်စက် ဖြစ်နေပေမယ့်... " ကိုယ့်ရဲ့ ကမ္ဘာငယ်လေးထဲမှာတော့ မင်းက အရာအားလုံးကို လှည့်ပတ်စေတဲ့ ဗဟိုချက်တစ်ခုလို ရှိနေဆဲပါပဲ... "မင်းဆီကို စာမပို့နိုင်တော့ဘူး... ဖုန်းလည်း မဆက်နိုင်တော့ဘူး... "အဲဒီအခါတိုင်း ကိုယ့်ရဲ့ အလွမ်းတွေကို ကိုယ့်ရင်ဘတ်ထဲမှာပဲ ပြန်သိမ်းထားခဲ့ရတယ်... "တကယ်တော့... တစ်ဖက်သတ်လွမ်းရတာက ပိုပြီး အသက်ရှူရကြပ်ပါတယ်... "ဘာလို့လဲဆိုတော့ ကိုယ်လွမ်းနေတာကို ဘယ်သူမှ မသိသလို...အဲဒီအလွမ်းက ဘယ်သူ့အတွက်မှ အဓိပ္ပာယ်မရှိတော့လို့ပါ... "မင်းကတော့ တခြားသူတစ်ယောက်ရဲ့ အနွေးဓာတ်ထဲမှာ ပျော်ရွှင်နေလောက်ပြီ... "ကိုယ်ကတော့ အအေးမိတဲ့ ညတိုင်း မင်းနဲ့အတူ ဖြတ်သန်းခဲ့ဖူးတဲ့... " အမှတ်တရဟောင်းတွေကိုပဲ ပြန်ဖွင့်ကြည့်ပြီး ကိုယ့်ကိုယ်ကိုယ် နာကျင်အောင် လုပ်နေမိတယ်... "ဒီလွမ်းခွင့်ဟာ အခွင့်အရေးမဟုတ်ဘူး... ကိုယ့်ရင်ဘတ်ထဲမှာ နေ့တိုင်း စိုက်ဝင်နေတဲ့ ဓားမြှောင်တစ်လက်ပါ... " နာကျင်မှန်း သိပေမယ့် မလွှတ်ချနိုင်ဘူး... ဘာဖြစ်လို့လဲဆိုတော့... "မင်းကို နောက်ဆုံးအကြိမ် ပိုင်ဆိုင်ထားနိုင်တဲ့ တစ်ခုတည်းသော နည်းလမ်းက ဒီအလွမ်းပဲ ဖြစ်နေလို့ပါ... "အပြင်လောကမှာတော့ ကိုယ်ဟာ ဘာမှမဖြစ်သလို ပြုံးပြနေရတဲ့ လူတစ်ယောက်ပါ... "ဒါပေမယ့် အဲဒီအပြုံးရဲ့ နောက်ကွယ်မှာတော့ တစ်ဖက်သတ် လွမ်းခွင့်ကို ဖက်တွယ်ထားရင်း နေ့တိုင်း တိတ်တိတ်လေး ပြိုလဲနေမိသူပါ... "မင်းရဲ့ နှလုံးသားထဲမှာ ကိုယ့်အတွက် နေရာမရှိတော့ဘူးဆိုတာ သိပြီးသားပါ... " ဒါပေမယ့်... ဒီလွမ်းခွင့်လေးကိုတော့ ကိုယ့်ရင်ဘတ်ထဲမှာ အဆုံးထိ မြှုပ်နှံထားလိုက်တော့မယ်... "ဘာဖြစ်လို့လဲဆိုတော့...တချို့လူတွေက ချစ်ခဲ့ဖူးတာကို မေ့နိုင်ကြတယ်... "ကိုယ်ကတော့... မေ့မရတော့လို့ လွမ်းနေရတာမဟုတ်ဘူး... "လွမ်းနေရတာကပဲ မင်းကို နောက်ဆုံးအကြိမ် ပိုင်ဆိုင်ထားနိုင်တဲ့ တစ်ခုတည်းသော နည်းလမ်းဖြစ်နေလို့ပါ... 📖 𝑲𝒐 𝑺𝒂𝒊 🖋️ - @ko.sai536