میں نے اس دنیا کو بہت قریب سے دیکھا ہے۔ یہاں انسان کی قیمت اس کے کردار سے نہیں، اس کی جیب کے وزن سے لگائی جاتی ہے۔ میں نے اپنے خوابوں کو ضرورتوں کے ہاتھوں دم توڑتے دیکھا، اپنے خلوص کو مطلب کی منڈی میں نیلام ہوتے دیکھا، اور اپنوں کو وقت کے بدلتے ہی اجنبی بنتے دیکھا۔ غربت صرف رزق کی کمی نہیں ہوتی، یہ انسان سے اس کی عزت، اس کی آواز، اس کی خواہشیں اور اس کا سکون بھی چھین لیتی ہے۔ یہاں مفلس آدمی کی خاموشی کو کمزوری اور اس کی خودداری کو غرور سمجھا جاتا ہے۔ مرد کے آنسو کسی کو دکھائی نہیں دیتے، کیونکہ اس سے صرف اتنی توقع رکھی جاتی ہے کہ وہ ہر حال میں کماتا رہے، ٹوٹتا رہے، بکھرتا رہے مگر کبھی شکایت نہ کرے۔ وقت نے مجھے یہ سکھا دیا ہے کہ اس دنیا میں بے لوث محبتیں کم، ضرورتیں زیادہ ہیں؛ یہاں لوگ دلوں سے نہیں، مفاد سے تعلق رکھتے ہیں۔ اب نہ کسی وعدے پر یقین باقی ہے، نہ کسی دلاسے سے دل بہلتا ہے۔ میں صرف اتنا جانتا ہوں کہ جو انسان ہر روز خاموشی سے اپنے اندر مرتا ہے، اس کی چیخیں کسی کو سنائی نہیں دیتیں، اور ایک دن وہ ہنستے ہوئے چہروں کے درمیان بھی مکمل طور پر تنہا رہ جاتا ہے۔ 🥀 - @dil_e_wiran