🎓 ၂၀၂၆ ခုနှစ် G-12 အောင်မြင်သူများအတွက် တက္ကသိုလ်ဝင်ခွင့် လျှောက်ထားနည်း အဆင့်ဆင့်📨 ၂၀၂၆ ခုနှစ်တွင် Grade-12 စာမေးပွဲ အောင်မြင်ထားသူများ တက္ကသိုလ်ဝင်ခွင့် (မေဂျာ) လျှောက်ထားရာ၌ မဖြစ်မနေ သိရှိထားရမည့် အချက်များကို အောက်ပါအတိုင်း အဆင့်လိုက် စနစ်တကျ ပြန်လည်မျှဝေပေးလိုက်ပါသည်။ -လမ်းညွှန်စာအုပ် ထုတ်ယူခြင်း လာမည့် စက်တင်ဘာလ တွင် မိမိနှင့် သက်ဆိုင်သည့် နေရာများ၌ လမ်းညွှန်စာအုပ်များကို ကိုယ်တိုင် သွားရောက်ထုတ်ယူရမည် ဖြစ်သည်။ * ကျောင်းတွင်းအောင်မြင်သူများ: မိမိတက်ရောက်ခဲ့သော သက်ဆိုင်ရာ အထက်တန်းကျောင်းများ။ * ပြင်ပဖြေ အောင်မြင်သူများ: မိမိ သက်ဆိုင်ရာ မြို့နယ်ပညာရေးမှူးရုံး (တကအ)။ 📝 လျှောက်လွှာ စတင်ဖြည့်စွက်ခြင်းနှင့် ပို့ဆောင်ခြင်း ၁။ သေချာစွာ ဖတ်ရှုပါ: လမ်းညွှန်စာအုပ်ပါ စည်းကမ်းချက်များနှင့် အချက်အလက်များကို အစမှ အဆုံးထိ အသေးစိတ် ဖတ်ပါ၊၊ ၂။ မှန်ကန်စွာ ဖြည့်စွက်ပါ: ဖောင်ပေါ်တွင် တောင်းဆိုထားသော အချက်အလက်များကို မမှားယွင်းအောင် သေချာဖြည့်စွက်ပါ။ ၃။ စာတိုက်မှတစ်ဆင့် ပေးပို့ပါ: ဖြည့်ပြီးသား လျှောက်လွှာများကို စာတိုက်သို့ သွားရောက်၍ "တက္ကသိုလ်ဝင်ခွင့် လျှောက်လွှာဖောင် တင်ချင်လို့ပါ" ဟု ပြောကြားကာ ပို့ဆောင်ရမည် ဖြစ်သည်။ (စာပို့ခ သတ်မှတ်နှုန်းထားအတိုင်းသာ ပေးဆောင်ရန် လိုအပ်သည်)။ 📂 ပူးတွဲတင်ပြရမည့် စာရွက်စာတမ်းများ ကျောင်းတွင်းအောင်မြင်သူများ *(စာအိတ်အတွင်း လျှောက်လွှာပုံစံ ၃ စုံ၊ အမှတ်စာရင်းနှင့် အရည်အချင်းမှတ်တမ်းအဆင့် စာရွက်များ မူလကတည်းက ပါဝင်ပြီး ဖြစ်သည်)* * မိမိနှင့် မိဘနှစ်ပါး၏ မှတ်ပုံတင် မိတ္တူများ * လိုင်စင်ဓာတ်ပုံ (၄) ပုံ * မြန်မာနိုင်ငံ စာစစ်ဦးစီးဌာနမှ ထုတ်ပေးမည့် အောင်လက်မှတ် မိတ္တူ (သို့မဟုတ်) သက်ဆိုင်ရာကျောင်းမှ ထုတ်ပေးသော အောင်မြင်ကြောင်း ထောက်ခံစာ မူရင်း ပြင်ပဖြေ အောင်မြင်သူများ * မိမိနှင့် မိဘနှစ်ပါး၏ မှတ်ပုံတင် မိတ္တူများ * မြန်မာနိုင်ငံ စာစစ်ဦးစီးဌာနမှ ထုတ်ပေးမည့် အမှတ်စာရင်း မူရင်း * အောင်လက်မှတ် မိတ္တူ ⚠️ အရေးကြီး သတိပြုရန်: အောင်လက်မှတ် မူရင်းအား မည်သည့်အခါမျှ ထည့်သွင်း မပို့ရပါ။ အမှတ်စာရင်းကို အကြိမ်ကြိမ် ထုတ်ယူ၍ ရသော်လည်း အောင်လက်မှတ် မူရင်းမှာ တစ်ကြိမ်သာ ထုတ်ပေးခြင်း ဖြစ်သည်။ အကယ်၍ ပျောက်ဆုံးသွားပါက မူရင်းထုတ်ယူသည့်ရက်မှ (၆) လပြည့်မှသာ မိတ္တူမှန် ပြန်လည်လျှောက်ထားနိုင်မည် ဖြစ်သည်။ 🏫 နေ့သင်တန်း (Day) နှင့် အဝေးသင် ရွေးချယ်မှုဆိုင်ရာ စည်းကမ်းများ * Day သင်တန်း တက်ရောက်လိုပါက: အောင်မြင်သည့် ခုနှစ်တွင်ပင် ချက်ချင်း လျှောက်ထားရမည်။ Day ဝင်ခွင့်ကျပြီးမှ အကြောင်းတစ်ခုခုကြောင့် ထိုနှစ်တွင် မတက်ရောက်နိုင်ပါက နောက်ကပ်လျက် ပညာသင်နှစ်တွင် တက်ရောက်ခွင့် ရှိသည်။ * နောက်နှစ်မှ လျှောက်ထားပါက: Day တက်ခွင့် မရတော့ဘဲ အဝေးသင် (အင်္ဂလိပ်၊ မြန်မာ၊ စိတ်ပညာ၊ သမိုင်း၊ ဒဿနိက၊ အရှေ့တိုင်းပညာ၊ ပထဝီ) စသည့် ဝိဇ္ဇာဘာသာရပ် (၇) ခုအနက် အမှတ်မှီရာ ဘာသာရပ်ကိုသာ ရွေးချယ် တက်ရောက်ခွင့် ရရှိမည်။ * အရေးကြီးအချက်: လျှောက်လွှာတစ်စုံတည်းတွင် Day နှင့် အဝေးသင် နှစ်မျိုးစလုံးကို ရောနှော လျှောက်ထား၍ မရပါ။ ၁။ နေ့သင်တန်း (Day) လျှောက်ထားလျှင် * စာအိတ်ပေါ်တွင် "နေ့သင်တန်း" ဟု စာလုံးထင်ရှားစွာ ရေးရမည်။ * နေ့သင်တန်း မေဂျာ/တက္ကသိုလ် နေရာ၌ ဦးစားပေးအလိုက် (၁) မှ (၂၂) အထိ ဖြည့်စွက် လျှောက်ထားနိုင်သည်။ *(ဥပမာ - ၁။ နည်းပညာတက္ကသိုလ် (ရန်ကုန်)၊ ၂။ ဆေးဝါးတက္ကသိုလ် (မန္တလေး)၊ ၃။ ကွန်ပျူတာတက္ကသိုလ် (ရန်ကုန်) စသည်ဖြင့်...)* ၂။ အဝေးသင် လျှောက်ထားလျှင် * စာအိတ်ပေါ်တွင် "အဝေးသင်" ဟု စာလုံးထင်ရှားစွာ ရေးရမည်။ * အဝေးသင် မေဂျာ နေရာ၌ ဦးစားပေးအလိုက် (၁) မှ (၁၁) အထိ ဖြည့်စွက် လျှောက်ထားနိုင်သည်။ *(ဥပမာ - ၁။ သင်္ချာ၊ ၂။ ရူပဗေဒ၊ ၃။ ဓာတုဗေဒ စသည်ဖြင့်...)* 📌 အထူးသတိပြုရမည့် အချက်များ ၁။ ဦးစားပေး စနစ်: မိမိ တက်ရောက်လိုသည့် တက္ကသိုလ်နှင့် မေဂျာများကို မိမိဆန္ဒအလျောက် ၁၊ ၂၊ ၃ ဦးစားပေး အစီအစဉ်အတိုင်း တိကျစွာ ဖြည့်သွင်းပါ။ မိမိလျှောက်လွှာတွင် ရေးသားမထားသော မေဂျာ/တက္ကသိုလ်များကို လုံးဝ စိစစ်ပေးမည် မဟုတ်ဘဲ ခေတ္တ ဆိုင်းငံ့ခံရနိုင်သည်။ (ဆိုင်းငံ့ခံရပါက ကျန်ရှိသော မေဂျာများသို့ ပြန်လည်ပြောင်းလဲ လျှောက်ထားနိုင်သော်လည်း လူဦးရေ ပြည့်သွားပါက အမှတ်မှီလျက်နှင့် အခွင့်အရေး ဆုံးရှုံးရနိုင်ပါသည်)။ ၂။ သတ်မှတ်ရက် ကျော်လွန်ပါက: ဖောင်တင်ရက် ကျော်လွန်သွားပါက စာတိုက်မှ ပို့၍ မရတော့ဘဲ အဆင့်မြင့်ပညာဦးစီးဌာန (ရန်ကုန်ရုံးခွဲ)၊ သထုံလမ်း၊ ကမာရွတ်မြို့နယ်၊ ရန်ကုန်မြို့ သို့ လူကိုယ်တိုင်ဖြစ်စေ၊ ကိုယ်စားလှယ်နှင့်ဖြစ်စေ အမြန်ဆုံး သွားရောက် ပေးပို့ရမည်။ ၃။ သီးခြားခေါ်ယူသည့် ကျောင်းများ: ရေကြောင်းတက္ကသိုလ်၊ ရေဆင်းစိုက်ပျိုးရေးတက္ကသိုလ် အစရှိသော သီးခြားခေါ်ယူသည့် တက္ကသိုလ်/ကောလိပ် (၁၅) ခုအတွက် လျှောက်လွှာများကိုမူ သက်ဆိုင်ရာ တက္ကသိုလ်များသို့ တိုက်ရိုက် လျှောက်ထားရမည် ဖြစ်သည်။ #ကြေညာချက် #၁၂တန်းအောင်စာရင်း #MatriculationExam #ပညာအလင်း - @nandar1598