@ahmed_samy.official: 3 ستات هيعجزو بدري تلات ستات في الدنيا دي الأيام بتسرق عمرهم وجمالهم وبيموتوا بالبطيء وهم لسه عايشين، وعينكِ لازم تكون في وسط رأسكِ عشان ما تلاقيش نفسكِ واحدة منهم: 1️⃣ أول واحدة: الست الشقيانة اللي شايلة البيت والمسؤولية كلها فوق كتافها ومابتريحش نفسها دقيقة، وفاكرة إن الشطارة إنها تيجي على عافيتها وصحتها لجل ما المركب تمشي، وناسين إن المركب لو مشيت وهي تعبانة محدش هيشيل عنها الوجع. 2️⃣ تاني واحدة: اللي مقطعة نفسها عشان تدي كل واحد حقه وتراضي القاصي والداني وناسية تماماً إن لنفسها عليها حق، وسكوتها المستمر وطيبتها بيخلوا اللي حواليها يتعودوا على التضحية دي ويفتكروها فرض وواجب ملوش تمن. 3️⃣ تالت واحدة: وهي الست اللي نايمة قايمة في زعل وضغط، وعايشة في بيئة بتطفي نورها ويكسر خاطرها ، وبتواجه النكد والهم لوحدها من غير سند ولا طبطبة ، والزعل ده أول حاجة بتاكل في ملامحها وصحتها. بنت الأصول الشاطرة لازم تفوق وتعرف إن زعلها وضغطها بيبانوا على وشها وصحتها قبل سنها، وإن النفوس الشبعانة هي اللي بتعرف تعمل حدود وتحافظ على سلامها النفسي وتِقِلها. 🛑 الخلاصة العمر بيعدي والصحة لو راحت مفيش مخلوق هيعوضكِ عنها ولا هيشيل عنكِ المرض . اتقوا الله في الستات، ويا بنت الأصول حِني على نفسكِ وصوني صحتكِ لأنها النعمة الحقيقية اللي هتقف معاكِ، وافتكري دايماً إن دنيتنا دي ميصحش فيها في الآخر غير الوش النضيف والقلب المستريح برضا الله! #الستات #وجع #وجع_مگتوم💔😔 #علاقات #استشارات

Ahmed Samy

Open In TikTok:

Region: EG

Wednesday 22 July 2026 11:04:04 GMT