@kayflower5: “ဂျပန်နိုင်ငံရဲ့ အလှဆုံးကမ်းခြေ ၁၀၀ ထဲက တစ်ခုကို မြင်ဖူးကြလား? ဒီနေရာကတော့ Hokkaido၊ Shakotan မှာရှိတဲ့ Shimamui Coast ပါ။ ‘Shimamui’ ဆိုတဲ့နာမည်က Ainu လူမျိုးတွေရဲ့ ဘာသာစကားကနေ ဆင်းသက်လာပြီး ‘ကျောက်ဆောင်တွေနဲ့ ဝန်းရံထားတဲ့ ပင်လယ်အော်’ လို့ အဓိပ္ပာယ်ရပါတယ်။ ဒီအပြာရောင်ပင်လယ်ကိုတော့ လူတွေက Shakotan Blue လို့ ခေါ်ကြပါတယ်။ ရေက အရမ်းကြည်လင်လွန်းလို့ ရာသီဥတုကောင်းတဲ့နေ့ဆို ပင်လယ်အောက်ထိတောင် မြင်နိုင်ပါတယ်။ ဒီရှုခင်းဟာ လူလုပ်ထားတာ မဟုတ်ပါဘူး။ နှစ်ထောင်ပေါင်းများစွာကြာအောင် လှိုင်းနဲ့ လေက ကျောက်ဆောင်တွေကို တဖြည်းဖြည်း ပုံဖော်ခဲ့တာကြောင့် အခုလို အံ့ဩဖွယ်အလှကို ဖန်တီးပေးခဲ့တာပါ။ Shimamui Coast ကို လူတွေက “ကမ်းခြေ” လို့ ခေါ်ပေမယ့် အောက်ကမ်းခြေအထိ ဆင်းခွင့်မရှိပါဘူး။ ဧည့်သည်တွေက တောင်ပေါ်က ရှုခင်းကြည့်စင် (展望台) ကနေသာ ကြည့်ရှုနိုင်ပါတယ်။ အကြောင်းရင်းတွေကတော့ 🪨 ကမ်းပါးတွေက မတ်စောက်ပြီး ကျောက်ပြိုကျနိုင်တဲ့ အန္တရာယ်ရှိတာ။ 🌊 လှိုင်းနဲ့ ရေစီးက အချို့အချိန်တွေမှာ အားပြင်းတာ။ 🌿 သဘာဝပတ်ဝန်းကျင်ကို ထိန်းသိမ်းဖို့အတွက် ဧည့်သည်ဝင်ရောက်မှုကို ကန့်သတ်ထားတာ။ ဒါကြောင့် အဲဒီအပြာရောင်ရေကို အနီးကပ်မြင်ရပေမယ့် လက်နဲ့ထိလို့ မရဘူး ဆိုတာက ဒီနေရာရဲ့ ထူးခြားချက်တစ်ခုပါ။ Shimamui Coast ဟာ သဘာဝအလှတရားတင်မကဘဲ Ainu လူမျိုးတွေရဲ့ သမိုင်းနဲ့ ယဉ်ကျေးမှုကိုပါ သယ်ဆောင်ထားတဲ့ နေရာတစ်ခုပါ။ Hokkaido ကို ရောက်ခဲ့ရင် ဒီနေရာကိုတော့ လုံးဝ မလွတ်သင့်ပါဘူး။ ဘာလို့လဲဆိုတော့… ဒီအလှကို ဗီဒီယိုထဲမှာ မြင်ရတာထက် ကိုယ်တိုင် ရပ်ကြည့်တဲ့အချိန်က ပိုပြီး အံ့ဩစရာကောင်းလို့ပါ။” ဒါကတော့ Shakotan ရဲ့ အလှတရားကို ကိုယ်တိုင်ခံစားခဲ့ရတဲ့ တို့ရဲ့ ခရီးစဉ်လေးပါ။ နောက်ထပ် Hokkaido ရဲ့ လှပတဲ့နေရာတွေကိုလည်း အတူတူ ဆက်လက်လေ့လာကြရအောင်နော်။ Hokkaido မှာနေတဲ့ သူတွေလဲ အလုပ်တွေကြိုးစားရင်း ကိုယ်အတွက်အပန်းဖြေခရီးလေးတွေ ဖန်တီးပေးခြင်းဖြင့် ဘဝအမောဖြေနိုင်ကြပါစေ🦭 Thank for watching 🫶 #shakotan #hokkaido #shimamuicoast

Cherise 🍒

Open In TikTok:

Region: JP

Wednesday 22 July 2026 12:07:52 GMT