@sefatullahoriakhi: الحمدلله! نن یو ځل بیا د پغمان ولسوالۍ د ۱۴مې ناحیې د وکیلانو رئیس، الحاج محمد اکرم اوریاخېل د قاضي خېل سړک د رغنیزو چارو له بهیر څخه له نږدې لیدنه او نظارت وکړ. د لیدنې پر مهال یې له انجنیرانو او د پروژې له مسؤلینو سره د سړک د کار د کیفیت، پرمختګ او چټکتیا په اړه مفصلې خبرې وکړې او ټینګار یې وکړ چې چارې باید د لوړ کیفیت، بشپړ شفافیت او ټاکلي مهالویش سره سم ترسره شي، ترڅو ولس ترې په ښه ډول ګټه واخلي. الحاج محمد اکرم اوریاخېل په خپلو خبرو کې وویل: “موږ د ولس د خدمت لپاره ژمن یو او هر وخت به ستاسو ترڅنګ ولاړ یو. راځئ ټول په ګډه، د یووالي او ورورولۍ په روحیه، خپل وطن او خپل کلي ورغوو، ځکه د هېواد پرمختګ د ټولو ګډ مسؤلیت دی.” نوموړي له ولس څخه هم وغوښتل چې د رغنیزو پروژو ملاتړ وکړي، له مسؤلینو او انجنیرانو سره همکاري وکړي او د عامه شتمنیو ساتنې ته ځانګړې پاملرنه وکړي. د پروژې انجنیرانو د الحاج محمد اکرم اوریاخېل له دوامدارې همکارۍ، هڅونې او نږدې څارنې څخه مننه وکړه او ویې ویل چې نوموړي تل د ولس د هوساینې او پرمختګ لپاره په اخلاص او ژمنتیا سره هڅې کړې دي او لا هم خپلو ولسي خدمتونو ته دوام ورکوي. الله تعالی دې د الحاج محمد اکرم اوریاخېل خدمتونه قبول، عمر یې اوږد او په ولسي خدمتونو کې دې ورته لا زیات بریالیتوب او توفیق په برخه کړي